新康記菜館

營業中

休息中

好耐冇去長洲啦，未爆第五波疫情前同成班朋友一齊去行山真係好開心，長洲真係好多嘢食，咁多間都唔知揀邊間好，山友就介紹我地黎呢間位於搶包山球場隔離嘅「新康記」食飯！長洲碼頭附近基本上全部都係食海鮮為主，呢度嘅菜單餸菜選擇都幾多，今日我哋就散叫一碟小菜大家共享之餘梗係要啤啤佢！胡椒豬肚豆腐煲.胡椒味突出豬肚夠淋！上湯龍蝦伊麵.細細隻龍蝦味道啱啱好，伊麵索晒啲上湯龍蝦汁好正！涼瓜炒斑腩.涼瓜食落帶甘，班腩啖啖肉！洋蔥炒牛柳.洋蔥清甜牛柳質地食落軟淋！金銀蛋勝瓜、雙菇扒時蔬健康之選！當然唔少得送酒既椒鹽鮮魷魚、九肚魚、酥炸生蠔及小炒皇啦！