影片
更多
2014-06-02
3406 瀏覽
農曆新年之前幾日,公司提早放農曆新年假期,已經有10年冇去過長洲,當日並非星期日或公眾假期日子,除左比較少遊客,船費亦都平好多 之前睇介紹話有對日本人夫婦吉野先生和太太,因為鍾意長洲呢個地方,就選擇呢度定居及開舖頭賣紅豆餅及手卷,不過唔賣壽司及刺身,我覺得幾有特色,所以落船後第一站就去到呢間故鄉茶寮 由於平日關係,再加上中午前搭船入到長洲,當時只得幾個客人買野,全部都係買紅豆餅,見到間舖除左紅豆餅,仲有賣蟹柳,蟹子及腸仔做餡料o既手卷,另外見到價錢牌有下午茶,又有套餐,於是我問講廣東話o既女店員點樣賣法其實食物及價錢與下午茶冇關係 ,無論買o既野及價錢都係一樣,所謂套餐係包一個紅豆餅,一件手卷及一壺玄米綠茶,價錢係三樣野加埋總數平$7 ,若果係食套餐就可以入店內享用,如果唔係只限外賣其實咁耐冇黎長洲,想把握時間週圍參觀唔同景點,不過見到故鄉茶寮店內環境幾有特色,又可以坐得舒服影下相 ,當時店內又冇其他客人,唔洗等位,於是我叫左一份套餐慢慢享用女店員安排我坐o係近門口o既一張枱,然後俾本紀念冊我睇,佢話可以睇下以前o既客人對老闆o既留言,亦都叫我寫低留言俾老闆,之後佢就開始沖茶
之前睇介紹話有對日本人夫婦吉野先生和太太,因為鍾意長洲呢個地方,就選擇呢度定居及開舖頭賣紅豆餅及手卷,不過唔賣壽司及刺身,我覺得幾有特色,所以落船後第一站就去到呢間故鄉茶寮
由於平日關係,再加上中午前搭船入到長洲,當時只得幾個客人買野,全部都係買紅豆餅,見到間舖除左紅豆餅,仲有賣蟹柳,蟹子及腸仔做餡料o既手卷,另外見到價錢牌有下午茶,又有套餐,於是我問講廣東話o既女店員點樣賣法
其實食物及價錢與下午茶冇關係 ,無論買o既野及價錢都係一樣,所謂套餐係包一個紅豆餅,一件手卷及一壺玄米綠茶,價錢係三樣野加埋總數平$7 ,若果係食套餐就可以入店內享用,如果唔係只限外賣
其實咁耐冇黎長洲,想把握時間週圍參觀唔同景點,不過見到故鄉茶寮店內環境幾有特色,又可以坐得舒服影下相 ,當時店內又冇其他客人,唔洗等位,於是我叫左一份套餐慢慢享用
女店員安排我坐o係近門口o既一張枱,然後俾本紀念冊我睇,佢話可以睇下以前o既客人對老闆o既留言,亦都叫我寫低留言俾老闆,之後佢就開始沖茶及製作手卷,我就睇下本紀念冊,有好多人留言,唔同人都有唔同故事黎到長洲故鄉茶寮
我留意下店內環境,原來係前舖後居,除左我o個張四人枱,後面仲有一張二人枱
店內放左好多畫,相片及裝飾品,聽住店內播放柔和o既音樂,感覺舒適悠閒
大約五分鐘後,店員放低一壺玄米綠茶及一件蟹柳蟹子腸仔手卷,佢話先食手卷,等我食晒手卷先再上紅豆餅,咁樣食法會最好
呢壺玄米綠茶大約可以斟到四杯茶,個茶壺有得隔去茶葉,飲完綠茶覺得舒服幾寫意 ,食完手卷及紅豆餅後,我差不多飲晒成壺茶先走
手卷我選擇左要齊蟹柳,蟹子及腸仔咁多款餡料,手卷用張白色紙包住,再放o係壽司碟上
手卷o既紫菜幾脆口,唔似有o的地方o的紫菜淋晒,壽司醋份量適中,沙律醬有少少酸,蟹子都算多,呢個手卷o既材料雖然簡單,不過整得幾好食
店員知道我食完手卷後,再俾一個剛整好o既紅豆餅
紅豆餅係佢地o既招牌食物,放o係特別設計o既木碟上,呢個紅豆餅表面平滑,餅皮薄,拎上手暖暖地,以為個餅皮分上下兩層,本來想打橫搣開紅豆餅,影下入面有幾多紅豆餡,不過個餅黏實左 咬開紅豆餅睇到入面有幾多紅豆餡,見到有原粒紅豆,唔係全部攪到紅豆蓉,紅豆味濃郁,呢個餅唔會甜到死,值得一讚 ,不過稍嫌蛋味比較淡
呢個時間店外有幾個外籍人士黎到,佢地都想入黎食套餐,於是店員叫我坐後面較細o既二人枱
坐呢度可以睇到廚房o既爐,睇到紅豆餅製造過程,環境幾衛生
店員話可以幫我影相留念,不過我冇乜需要,最後,我寫埋紀念冊留言,就通知女店員埋單,呢個時候老闆娘吉野太太出黎同我握手,不過我唔識日文,只好用英文回應,佢又禮貌地送別我離開,感覺令人親切
呢間故鄉茶寮幾有特色,食材簡單但係造得美味,坐得舒服 ,若果唔係行程緊迫,都值得入去食套餐,食最貴o既一款只係$36,相對市區餐廳 cafe 真係平好多,日後若果再黎長洲,都會黎呢間小店
張貼
