影片
更多
2024-08-24
205 瀏覽
今日入長洲諗住入去買返啲蝦乾蝦醬，誰不知晏咗起身，去到已經十二點幾。我對長洲嘅印象就係出咗碼頭向左走，全部都係食海鮮。向右行都有食海鮮，不過就會有更加多嘅當地居民嘅local小店。今日去到呢一間夠鍾開飯，見佢都幾多嘢食，午市套餐有中式有西式，我哋就叫咗一個燒汁豬扒腸仔橄欖油意粉，同埋一個蝦乾蒸肉餅拼鱸魚。🐷燒汁豬扒腸仔橄欖油意粉呢個真心令到我有啲意外！唔係一般茶餐廳嘅發水意粉，煮得剛剛好，汁水都煮得唔差！🦐蝦乾蒸肉餅拼鱸魚嚟到長洲唔食海鮮，都要食下佢哋嘅蝦乾同魚仔嗰啲嘢嘅！鱸魚都好新鮮，蝦乾嘅汁配合肉餅，味道真係幾好！🥤凍奶茶菠蘿梳打凍奶茶就麻麻哋啦，因為都相對地比較多茶渣，菠蘿梳打好飲👍其實呢間舖位置都唔算好難搵不過唔係熱門嘅遊客會去地方，除咗室內有冷氣外面門口都有座位，大家快啲去長洲行下啦🥰
誰不知晏咗起身，去到已經十二點幾。
我對長洲嘅印象就係出咗碼頭向左走，全部都係食海鮮。
向右行都有食海鮮，不過就會有更加多嘅當地居民嘅local小店。
今日去到呢一間夠鍾開飯，見佢都幾多嘢食，午市套餐有中式有西式，
我哋就叫咗一個燒汁豬扒腸仔橄欖油意粉，
同埋一個蝦乾蒸肉餅拼鱸魚。
🐷燒汁豬扒腸仔橄欖油意粉
呢個真心令到我有啲意外！
唔係一般茶餐廳嘅發水意粉，煮得剛剛好，汁水都煮得唔差！
🦐蝦乾蒸肉餅拼鱸魚
嚟到長洲唔食海鮮，都要食下佢哋嘅蝦乾同魚仔嗰啲嘢嘅！
鱸魚都好新鮮，蝦乾嘅汁配合肉餅，味道真係幾好！
🥤凍奶茶菠蘿梳打
凍奶茶就麻麻哋啦，因為都相對地比較多茶渣，菠蘿梳打好飲👍
其實呢間舖位置都唔算好難搵不過唔係熱門嘅遊客會去地方，除咗室內有冷氣外面門口都有座位，大家快啲去長洲行下啦🥰
張貼
