影片
更多
2018-07-07
351 瀏覽
幾年前跟朋友食過呢間餃子店之後久唔久都要色好似要去叉電咁，嚟到星期五晚世界盃8強之前要食飽啲可以捱夜啲。既然約咗朋友喺九龍嗰邊就要去太子食返個餃子，其實去之前都有心理準備要等一陣，只不過真係估唔到去到佢門口要等差唔多30個人。不過佢入人都算快等左25分鐘就入咗去。店主都算有良心會喺門外邊加個大嘅工業風扇。一開始係坐門口隔離嘅兩個位，話說有好多食客都冇手尾唔會幫你順手閂門，結果我就坐咗喺一個俾咗工業風扇扯住8號東北烈風嘅位去等我個餃子。好彩咁岩有人走我就換咗個位，不過我見到之後坐返我個位嘅男人每1分鐘都閂門一次好慘。鋪頭環境老老實實就好一般，街坊生意店內有大約30個位，一張枱會擺6個人。預咗你食餃子唔係食環境，亦都有好多人會叫外賣行嚟行去。講返餃子，佢嘅湯底真係冇得頂，野葛菜煲生魚豬骨湯我諗真係全香港得佢呢間開始。佢啖湯唔會太咸，飲落你會覺得好冇味精同同埋香野葛菜，飲到底仲有少少胡椒。其實加埋餃子都唔會好大碗湯俾你飲不過比起出邊街外嘅湯餃嘅湯，呢個有家的感覺嘅湯底係一絕。睇你鍾意咩啦有啲人對湯就冇乜要求，我就好鍾意飲湯。太子嘅鋪頭成日都會賣晒白菜餃，所以次次都唯有係食雲耳椰菜肉餃或者韭菜
幾年前跟朋友食過呢間餃子店之後久唔久都要色好似要去叉電咁，嚟到星期五晚世界盃8強之前要食飽啲可以捱夜啲。
既然約咗朋友喺九龍嗰邊就要去太子食返個餃子，其實去之前都有心理準備要等一陣，只不過真係估唔到去到佢門口要等差唔多30個人。不過佢入人都算快等左25分鐘就入咗去。店主都算有良心會喺門外邊加個大嘅工業風扇。
一開始係坐門口隔離嘅兩個位，話說有好多食客都冇手尾唔會幫你順手閂門，結果我就坐咗喺一個俾咗工業風扇扯住8號東北烈風嘅位去等我個餃子。好彩咁岩有人走我就換咗個位，不過我見到之後坐返我個位嘅男人每1分鐘都閂門一次好慘。
鋪頭環境老老實實就好一般，街坊生意店內有大約30個位，一張枱會擺6個人。預咗你食餃子唔係食環境，亦都有好多人會叫外賣行嚟行去。
講返餃子，佢嘅湯底真係冇得頂，野葛菜煲生魚豬骨湯我諗真係全香港得佢呢間開始。佢啖湯唔會太咸，飲落你會覺得好冇味精同同埋香野葛菜，飲到底仲有少少胡椒。其實加埋餃子都唔會好大碗湯俾你飲不過比起出邊街外嘅湯餃嘅湯，呢個有家的感覺嘅湯底係一絕。睇你鍾意咩啦有啲人對湯就冇乜要求，我就好鍾意飲湯。
太子嘅鋪頭成日都會賣晒白菜餃，所以次次都唯有係食雲耳椰菜肉餃或者韭菜餃。佢嘅餃子係偏大隻。包嘅餡都算多，皮呢就唔似北方餃子咁樣係煙韌得來又厚身，佢塊皮比較大同埋薄，你當係北方餃子同埋港式雲吞中間。
食落湯餃個餡呢就好豐富，我食咗雲耳椰菜肉餃，識落就好爽口因為有雲耳同埋椰菜，肉不會太肥。
而個煎韭菜餃就真係一絕，雖然次次都要等佢起碼10分鐘但係每一次剪出嚟都係熱辣辣金黃色。我由細到大都好鍾意食韭菜，哩間鋪頭嘅韭菜餃，韭菜味好香然後個餃又有肉汁。配合埋佢煎到金黃色脆確確嘅皮真係不得了。如果要吹毛求疵嘅話可能就係嫌佢有少少油不過你食得煎餃就預左。
當然值得一提嘅就係佢俾你任食嘅微辣豆豉菜脯，襯埋落去啲湯餃或者煎餃好正。
煎韭菜餃
$38
15 瀏覽
0 讚好
0 留言
張貼
