肥仔黎 (已結業)

呢排無得去台灣旅行食好嘢，唯有食住台灣鹽水雞頂住先。元朗有間成日排長龍既鹽水雞店，每日只有兩個時段有鹽水雞賣：🕑13:00同🕕18:00，如果13:00嗰轉既鹽水雞賣晒，咁你就只可以等18:00嗰轉啦。因為知佢成日排長龍既關係，我就揀左一日平日放假既時候去買，諗住早啲排隊。點知因為有其他野既關係，我成13:40先去到鋪頭，不過都好好彩，都仲有鹽水雞賣。但買完後仲要等20分鐘左右先有得拎餐。🔍一人獨享餐$45一人獨享餐可以揀（雞全翼/雞腿/雞胸）其中一個部位，再揀三個配菜同辣度。佢係用密實袋裝住，你可以直接拎住走，好似台灣夜市咁。我就揀左雞腿，雞肉份量唔算多，口感都算嫩滑。配菜方面就揀左鳳梨、甜不辣同百頁豆腐。鳳梨酸酸甜甜，可以解油膩感，甜不辣Q彈，但百頁豆腐就無咩味。整體味道唔錯，鹽水雞唔會話太鹹，而係會食到好重既蒜蓉同胡椒味。但佢唯一既唔好處係真係要等好耐，建議大家如果想食，就要預留足夠時間。