影片
更多
2022-08-05
542 瀏覽
餐廳位於元州街，兩旁都有公衆停車場，地點方便易搵。室內座位闊落，燈光明亮，令人感覺舒適。入座之後可以用電話掃QR code 落單，方便快捷。發送訂單幾分鐘後，已經有飲品送到，上菜速度值得一讚。我同朋友去到都差唔多下午兩點，已經過了午餐時段，但係全間餐廳都幾乎都被坐滿，而且放眼望去大部份嘅客人都有點海南雞飯，所以我哋都一定要試吓呢款主打美食！🐓海南雞飯（$60）加輕怡肉骨茶（+$10）- 雞肉用上日本花菇、元貝及廿多種香料烹製，難怪肉質嫩滑。廚師細心地將雞肉拆骨，啖啖肉都食到濃郁鮮雞味。雞油飯有嚼勁及斑蘭乾蔥香味；薑蓉、黑豉油及辣椒汁更是開胃。肉骨茶顏色偏淺，不過胡椒味濃，唔油膩，肉香帶甜。🥣星州叻沙摻摻 （$55）- 湯底屬於椰香味濃帶點辣味嘅咖喱叻沙，十分惹味。油麵同米粉再加芽菜，口感相當豐富。配料充足，有兩大隻鮮蝦及青口，新鮮又爽甜；魚蛋同魚片彈牙又有魚味；豆腐卜吸盡湯汁，滋味滿分。🥢特色小食拼盤 （$78）- 有泰式魚餅、黑椒扎肉、雞翼同鳳尾蝦春卷。泰式魚餅檸檬葉味重，冇雪味。黑椒扎肉肉質彈牙，富有黑椒香味，有別於一般扎肉。炸雞翼醃得入味，炸得香口又保持到肉汁，因為實在太好食，我
入座之後可以用電話掃QR code 落單，方便快捷。發送訂單幾分鐘後，已經有飲品送到，上菜速度值得一讚。
我同朋友去到都差唔多下午兩點，已經過了午餐時段，但係全間餐廳都幾乎都被坐滿，而且放眼望去大部份嘅客人都有點海南雞飯，所以我哋都一定要試吓呢款主打美食！
🐓海南雞飯（$60）加輕怡肉骨茶（+$10）- 雞肉用上日本花菇、元貝及廿多種香料烹製，難怪肉質嫩滑。廚師細心地將雞肉拆骨，啖啖肉都食到濃郁鮮雞味。雞油飯有嚼勁及斑蘭乾蔥香味；薑蓉、黑豉油及辣椒汁更是開胃。肉骨茶顏色偏淺，不過胡椒味濃，唔油膩，肉香帶甜。
🥣星州叻沙摻摻 （$55）- 湯底屬於椰香味濃帶點辣味嘅咖喱叻沙，十分惹味。油麵同米粉再加
芽菜，口感相當豐富。配料充足，有兩大隻鮮蝦及青口，新鮮又爽甜；魚蛋同魚片彈牙又有魚味；豆腐卜吸盡湯汁，滋味滿分。
🥢特色小食拼盤 （$78）- 有泰式魚餅、黑椒扎肉、雞翼同鳳尾蝦春卷。泰式魚餅檸檬葉味重，冇雪味。黑椒扎肉肉質彈牙，富有黑椒香味，有別於一般扎肉。炸雞翼醃得入味，炸得香口又保持到肉汁，因為實在太好食，我哋專登再追加咗一份「Susan炸雞」（$44）😋 脆炸鳳尾蝦春卷，春卷皮酥脆，入面蝦肉鮮甜彈牙。看似簡單嘅小食拼盤，但係每一樣小食都食得出廚師嘅心思，很有驚喜。
🧈鮮油咖央多士 - （$28）烘得底面都香脆金黃嘅麵包，配上濃香幼滑嘅咖央醬及厚厚一片牛油，絕對係不吃不可嘅邪惡之選！
🧉椰青 - 椰水清甜又冰凍，椰肉嫩滑，非常清新消暑。
海南雞飯配輕怡肉骨茶
16 瀏覽
0 讚好
0 留言
鮮油咖央多士
10 瀏覽
0 讚好
0 留言
Susan雞翼
22 瀏覽
0 讚好
0 留言
特色小食拼盤
12 瀏覽
0 讚好
0 留言
星州叻沙摻摻
10 瀏覽
0 讚好
0 留言
張貼
