萍萍上海館

營業中

休息中

一向都鍾意食上海菜，不過香港好多上海菜館都比較貴，最近發現長沙灣有間平民價上海菜小店，又多咗一間飯堂可以去幫襯啦。 揀咗個孖寶推介，招牌小籠包+上海排骨菜飯：個皮未算好薄，但勝在多湯，食落絕對有燙口感覺。 排骨夠熱，又酥又香，配上菜飯一絕。 花雕醉雞：雞肉嫩滑入味，皮肉間有水晶般剔透膠質，酒香撲鼻芬芳，肉質色澤動人，餐前小食最好不過。 水晶餚肉：肉紅皮白，光滑晶莹， 鹵凍透明，猶如水晶，香味濃郁。 四川擔擔麵：麵條細滑，湯汁惹味濃郁，陣陣花生香味，做到掛湯嘅效果。 香酥豆沙鍋餅：最後甜品加咗個香煎豆沙鍋餅，因為係即叫即整，所以都等咗一陣，上檯時熱辣辣，個表皮香煎，豆沙餡料都足夠，而且唔會太過甜。