影片
更多
2025-01-25
0 瀏覽
📌長沙灣隱世平民高質中菜館😚今次因為參加一個酒局所以有機會嚟到太子海鮮菜館食飯先喺度好多謝 @livelikeitalianworklikegerman 咁用心搞呢個飯局🫶🏻食完簡直覺得意想不到 呢個價錢好抵食 同埋真係好食！！😋🍲太子叉燒拼海蜇半肥瘦燶邊嘅叉燒就一定好食 海蜇就正常味道第一道菜已經有啲意想不到嘅感覺😋🍲胡麻沙律蝦多士蝦多士裏面嘅蝦食得出好新鮮 而且多士炸完唔會好油 再加上有胡麻醬嘅沙律菜 減輕油膩感 呢個都好好食👍🏻🍲金湯健康素千層呢個係我成晚最鍾意嘅菜式😎令我諗起喺墨爾本試過嘅山頂廚師帽餐廳 萬壽宮😆佢哋將豆腐切成薄片 再淋上金湯 搭配淮山西芹粟米粒同蘿蔔粒粒 上面仲有啲脆條 味道上看似好清但非常夠味 脆條令到個菜式增添口感 我覺得好食到畢多咗三啖呀🤪🍲上湯蒜子浸豆胚呢個看似好簡單嘅菜式 豆胚煮得啱啱好 唔會過老~🍲薑蔥霸王雞好想一讚係佢哋嘅薑絲蔥絲都切得非常幼細 再加埋咁嫩滑嘅雞肉 同埋蔥油汁 我唔係好鍾意食咁多雞肉都覺得好食 🍲古法花生炆豬手食得出佢哋嘅豬手係炒香之後再炆 古法汁唔會太鹹 加埋啲花生就咁食都好正🥜🍲太子至尊燒鵝王估唔到會喺小菜館裏面食到呢個質素嘅
今次因為參加一個酒局所以有機會嚟到太子海鮮菜館食飯
先喺度好多謝 @livelikeitalianworklikegerman 咁用心搞呢個飯局🫶🏻
食完簡直覺得意想不到 呢個價錢好抵食 同埋真係好食！！😋
🍲太子叉燒拼海蜇
半肥瘦燶邊嘅叉燒就一定好食 海蜇就正常味道
第一道菜已經有啲意想不到嘅感覺😋
🍲胡麻沙律蝦多士
蝦多士裏面嘅蝦食得出好新鮮 而且多士炸完唔會好油 再加上有胡麻醬嘅沙律菜 減輕油膩感 呢個都好好食👍🏻
🍲金湯健康素千層
呢個係我成晚最鍾意嘅菜式😎令我諗起喺墨爾本試過嘅山頂廚師帽餐廳 萬壽宮😆
佢哋將豆腐切成薄片 再淋上金湯 搭配淮山西芹粟米粒同蘿蔔粒粒
上面仲有啲脆條 味道上看似好清但非常夠味 脆條令到個菜式增添口感
我覺得好食到畢多咗三啖呀🤪
🍲上湯蒜子浸豆胚
呢個看似好簡單嘅菜式 豆胚煮得啱啱好 唔會過老~
🍲薑蔥霸王雞
好想一讚係佢哋嘅薑絲蔥絲都切得非常幼細 再加埋咁嫩滑嘅雞肉 同埋蔥油汁 我唔係好鍾意食咁多雞肉都覺得好食
🍲古法花生炆豬手
食得出佢哋嘅豬手係炒香之後再炆
古法汁唔會太鹹 加埋啲花生就咁食都好正🥜
🍲太子至尊燒鵝王
估唔到會喺小菜館裏面食到呢個質素嘅燒鵝👍🏻
呢隻燒鵝偏多肉 但啲肉又唔會柴 幾好食🤤
🍲白灼本地鮮肥牛
呢個亦係我非常鍾意嘅菜式😍
唔好睇佢就咁錄肥牛咁簡單 食落去嘅時候食得出係人手切嘅 所以食落嘅紋理都好有口感
另外本地牛都好重肉味 當然就冇蝸牛咁有脂肪感 但係呢種實實在在嘅暗味再加埋薑絲蔥絲同埋熟油黎講 我會話係簡單而考功夫嘅菜式 真係好值得再食😝
🍲生炒腊味糯米飯
平時食生炒糯米飯主要都係食到臘味嘅香 今次好驚喜嘅係食到鑊氣😚
🍲干燒伊麵
伊麵就正常質素～
🍷Enrico Serafino
第一次飲咁balance嘅Gavi
Barbaresco非常夾過薑蔥雞同埋豬手🤤
頭兩支Barolo都覺得幾好飲
有幸飲到最後一支咁優雅嘅Barolo 果然咁貴真係唔同啲🫣
唔好睇佢地下好似普通酒樓嘅裝修 今次呢餐飯就係喺佢哋上一層食嘅
睇得出佢哋有另外裝修過 俾人可以包房食飯或者搞飯局～
今次食到呢餐飯真係好驚喜 再加埋所有酒都好好飲 非常正😍
原來呢度嘅大廚參加過廚藝比賽仲攞埋獎 但就好想繼續做本地味道嘅菜館 所以好值得大家一試！
🍽️ 食物：🌕🌕🌕🌕🌕
🥂 飲品：🌕🌕🌕🌕🌗
👩🏻🍳 環境：🌕🌕🌕🌕🌑
💯CP值：🌕🌕🌕🌕🌕
✅回頭率：🌕🌕🌕🌕🌕
Price：$500 (Included Wine)
Overall: ⭐️⭐️⭐️⭐️ (out of ⭐️⭐️⭐️⭐️⭐️)
📍太子海鮮菜館 (長沙灣)
地址：長沙灣元州街481-483號地舖
（記得記得間餐廳係喺長沙灣！唔係太子！😂）
Hashtags:
#eatgoodwestsin_cheungshawan
#eatgoodwestsin_chinese
#eatgoodwestsin_wine
#eatgoodwestsin_kowloon
#eatgoodwestsin_hongkong
#長沙灣好去處
張貼
