La Barra Tapas Spanish Restaurant

營業中

休息中

講到我最鍾意嘅菜式，西班牙菜一定係我嘅top 3🥰 最近去咗長沙灣一間隱世小店，經驗豐富嘅廚師主理用西班牙進口嘅食材，而且價錢仲好抵食！餐廳係半開放式廚房，坐吧枱嘅客人可以睇到廚師煮嘢嘅過程，不過間舖座位唔多，建議大家提早book位💕⭐️西班牙辣肉腸蛋餅 Chorizo Tortilla蛋餅入面夾住西班牙臘腸片，鹹香十足，仲加咗薯仔粒，食落口感濕潤⭐️西班牙紅蝦炒飯 Red Prawn Paella 店員會幫手切開蝦頭，擠出蝦膏撈入炒飯，確保每一啖都充滿蝦嘅鮮味🤤 紅蝦可以配飯或者短麵，飯粒軟硬適中，加入蝦膏之後更加香濃⭐️ 蟹肉可樂餅 Croquettes食西班牙菜點可以唔試croquettes? 今次試咗蟹肉味，外皮炸到金黃酥脆，咬落去有淡淡蟹肉香，口感creamy又熱辣辣🥳⭐️Churros配雪糕同熱朱古力醬🍫🍨食西班牙菜嘅甜品當然要試Churros！呢度嘅Churros炸到外脆內軟，撒上砂糖，再配埋雪糕同熱朱古力醬，邪惡到爆🤤 熱辣辣嘅Churros加埋凍冰冰嘅雪糕，口感層次豐富，真係好食到停唔到口🤪開心滿意嘅一餐🥰 鍾意西班牙菜嘅朋友一定要試吓！