串點 (已結業)

 今次黎到長沙灣呢間小店串點食串燒😋店鋪細細，入面既佈置都係以露營為主題，有露營檯凳、餐具，仲有露營燈係檯面，啱曬打卡🤩  1️⃣芝士豬頸肉撈一丁（$58） 芝士溶左係啲豬頸肉上面🤤個一丁撈埋食到幾香芝士味，但係又唔會膩，豬頸肉燒得好夠香，而且食落唔乾👍  2️⃣燒汁澳洲肉眼拌飯（$118） 肉眼份量都幾多，鋪滿左半碗飯。上檯既時候見到中間仲係粉嫩既顏色，肉味香濃唔韌，飯係偏乾爽既，食落口粒粒分明既感覺，配埋啲蛋絲同洋蔥絲食都幾好食😌  3⃣️牛舌芯（$68）呢個正wor～食落口係有彈性既，亦都有啲油脂感。  4⃣️沙嗲咖喱雞肉串（$22）店員話佢地既沙嗲係秘制既。食落去感覺唔會太濃沙嗲味，甜甜地，中間雞肉好滑好嫩。  5⃣️脆骨雞肉丸子（$22） 幾特別呢款。雞肉丸中間混合左啲脆脆既軟骨，外面係甜甜地既照燒醬味道。  6⃣️大蔥雞肉串（$28） 蔥同雞肉好夾！雞肉真係好滑～  7⃣️口水鵝腸（$48）鵝腸食落爽口彈牙，口水汁微辣，係一個唔錯既前菜。  8⃣️蟹肉可樂餅（$28）上檯既時候仲冒緊煙😍中間蟹肉忌廉湧曬出黎。食落炸得好脆，中間既蟹肉忌廉細滑。