長洲鐵漢

營業中

休息中

復活節長假嚟咗長洲玩，去得長洲當然唔少得去食當地嘅美食啦，朋友介紹一間叫長洲鐵漢日式燒烤話嗰度啲燒烤都幾特別同幾好食，所以今次難得嚟到咁就去試一試。因為長洲太多嘢想食，所以我哋淨係嗌咗三樣嘢，一個係東咖喱魷魚，燒芝士年糕同埋燒墨魚咀。個咖喱魷魚辣得來都好入味，佢係凍食嘅，同平時食開嘅港式咖喱魷魚係有分別，但係都算幾開胃。芝士燒年糕都唔錯，但係個燒墨魚咀就好似乾身咗啲。買單大約$100左右，唔算嗌得多嘢都算OK嘅。