爆丼丼 (已結業)

咁啱路過又諗唔到食咩，睇佢門面應該唔貴，冇望吓餐牌就沖左入去食。入到去睇到先發現原來唔平嘅，叫咗一個火炙魚生丼$148同埋咖喱豬扒飯。火炙魚生飯有三文魚、蟹柳、帆立貝、蟹籽、鰈魚同埋左口魚。我平時有少少怕食嗰啲白色嘅魚，因為怕會腥，但係佢全部都好新鮮唔會腥，份量又大，全部都好味，對得住佢$148呢個價錢。咖喱豬扒飯都好食，日式咖喱汁唔錯。整體來講價錢略貴，不過食物質素真係OK，據說最近魚生飯第二碗半價，可以再去試吓。