M Zone 親和藝術 (已結業)

訂咗2:30位，去到已經熱死辣辣，門口都無人安排入座，唯有自己入去問，之後安排個無背嘅梳化位，一坐落去都幾林(只不過係估唔到啫，因為外面門面唔錯仲好新)但問題係無冷氣嘅熱死人咩，水無人手酙咁我都話自己酙都可以，但原來佢未有柸，咁就….因為佢都未叫座满，點可以連柸都唔買夠枱同椅嘅座位數，最後係一柸一柸上。咁叫佢比個MENU唻，因為咁口渇不如快叫等佢有餐飲啦，但叫豬扒無豬扒，叫牛扒佢又話無，真係激死，最後佢有三文魚意粉帶子意粉，仲有全日早餐唯有叫兩個啦，係差少少飽嘅情況下唯有叫法式多土配乳酪仲有蜜糖雞奕薯條，咁講味道其實佢係好味嘅，但相對唻講佢個法式多士仲出色D，而帶子佢都煎好軟身係唔錯嘅