影片
更多
2017-07-30
589 瀏覽
※本文以用餐當日的環境、服務和食物質素為準，口味亦因人而異，文章只作參考之用。-如果問你「點解會有閃電泡芙之稱？」你會知道嗎？...據說係因為太好食，法國人可以閃電咁一條接一條迅速食晒，就有左閃電泡芙之稱，聽落都幾盞鬼！專門店至今在全球（日本、米蘭、俄羅斯）多達20間，不能睇少其受歡迎的程度。對於風摩一時既閃電泡芙，小妹只覺得佢既外觀很美，每次經過專門店都只係望兩望滿足眼簾就閃人，深怕佢會係好甜好甜得個靚字。不過男人見我成日得個望字，就話如果唔岩食最多佢包底，終於有得試下喇！是晚去開太古城中心可以順便食埋，太古城分店最好既係有得坐，可以慢慢食慢慢影，岩晒小妹！（始終怕拎到返歸會走晒樣）店內有幾張枱椅，裝潢同裝飾得都幾靚，另外仲有設置飲品櫃，售賣冷泡咖啡同果汁等，仲有自家品牌既朱古力，連招牌閃電泡芙都有得客製化，用黎慶祝紀念日或節日都得，感覺很潮！閃電泡芙的口味十分多，已研製出超過二百多款，N°數字係代表泡歡口味的創作次序。香港分店亦會每個月推出不同味道，務求滿足到客人的需要，又可以嚐試不同的味道，保持到新鮮感。閃電泡芙除左焦糖同果仁口味外，仲有推出清新果香味系列，切口不同客人的口味，就
-
如果問你「點解會有閃電泡芙之稱？」你會知道嗎？...據說係因為太好食，法國人可以閃電咁一條接一條迅速食晒，就有左閃電泡芙之稱，聽落都幾盞鬼！專門店至今在全球（日本、米蘭、俄羅斯）多達20間，不能睇少其受歡迎的程度。
對於風摩一時既閃電泡芙，小妹只覺得佢既外觀很美，每次經過專門店都只係望兩望滿足眼簾就閃人，深怕佢會係好甜好甜得個靚字。不過男人見我成日得個望字，就話如果唔岩食最多佢包底，終於有得試下喇！
是晚去開太古城中心可以順便食埋，太古城分店最好既係有得坐，可以慢慢食慢慢影，岩晒小妹！（始終怕拎到返歸會走晒樣）
店內有幾張枱椅，裝潢同裝飾得都幾靚，另外仲有設置飲品櫃，售賣冷泡咖啡同果汁等，仲有自家品牌既朱古力，連招牌閃電泡芙都有得客製化，用黎慶祝紀念日或節日都得，感覺很潮！
閃電泡芙的口味十分多，已研製出超過二百多款，N°數字係代表泡歡口味的創作次序。香港分店亦會每個月推出不同味道，務求滿足到客人的需要，又可以嚐試不同的味道，保持到新鮮感。
閃電泡芙除左焦糖同果仁口味外，仲有推出清新果香味系列，切口不同客人的口味，就好似小妹，偏愛果味重的泡芙，感覺會無咁膩，所以有三款都揀左果味的。
海鹽焦糖
$38
4 瀏覽
0 讚好
0 留言
N°1 海鹽焦糖 $38
此為創辦人首款推出既口味，呢款海鹽焦糖如果鍾意食太妃糖既話一定好鍾意！裡面填了滿滿既海鹽焦糖忌廉，焦糖味好濃郁香甜，個種香甜係連牙齒都感覺到，甜度確實稍高，但又會忍唔住想繼續食，真係一款令人又愛又恨既味，可以同朋友一人一半就岩岩好。
N°122 士多啤梨泡芙 $48
咬落鬆軟既泡芙上放滿士多啤梨製成的果茸醬、士多啤梨片和忌廉花，仲有少許粒粒曲奇碎在內；咬落口感豐富，有酸酸甜甜的士多啤梨提味，還不錯。
雲呢拿紅桑子
$45
4 瀏覽
0 讚好
0 留言
N°258 雲呢拿紅桑子 $45
裡面填滿雲呢拿紅桑子忌廉，忌廉細滑，食落超重紅桑子味，味道仲要好似我以前勁愛既Chez Shibata其中一款皇牌蛋糕😍😍😍 可以食得返呢個味道真係好驚喜，小妹真係偏愛呢款味道🍓😊
菠蘿青檸泡芙
$45
15 瀏覽
0 讚好
0 留言
N°135 菠蘿青檸泡芙 $45
另一款同樣幾鍾意既果味系列，味道清新香甜既菠蘿青檸忌廉，後續會帶有陣陣菠蘿的果甜味，配上面頭的熱情果脆脆，好適合炎熱既夏天品嚐，食完都唔覺膩。
法式貝殼蛋糕 每款$15
除了閃電泡芙外，仲帶來了法國傳統小吃Madeleine。
有抹茶、士多啤梨、檸檬和黑芝麻，貝殼蛋糕面層裹上白朱古力同黑朱古力，多左重滋味，小妹獨愛檸檬。
張貼
