影片
更多
2020-11-28
317 瀏覽
而家因為住嘅問題，成日都要屯門紅磡兩邊走，早排又整親腰骨，又要返屯門針灸，又要照顧家人同狗狗。😍😍😍尋日開始放大假，就返去屯門針灸，順便同奶奶食返個下午茶，我奶奶好鐘意食上海嘢，而咁啱商場又開咗間新嘢，所以就同奶奶兩個撐吓枱腳啦！🥰🥰🥰T1 堅信號生煎包 （4個）$28其實坦白講，佢嘅款式唔算多，就算散叫都唔多，我開頭都唔知食乜好，但我見到枱面介紹呢個生煎包，講到好多湯汁，食嘅時間要好小心，講到咁吸引，梗係要試試佢啦，嚟到個樣好靚，唔係大大個果隻，就咁睇真係唔似會係咁多汁果隻，到我食時，嘩！真係好多汁，好大嚿肉餡，皮好薄，肉汁好鮮，大家有機會真係要去試吓。😋😋😋T4 古法扣豬手湯麵 $36呢個同個生煎包真係比下去，如果比我再叫，我一定會叫生煎包，大家唔好誤會，唔係佢呢個麵唔得，其實佢呢個麵都好食，豬手炆得啱啱好，唔會唔夠淋，又唔會太淋，而個汁好香濃，個麵唔會太硬同太淋，湯底夠味，其實整體都唔差嘅，但由於我食生煎包先，所以我比佢嘅味道吸引咗。😃😃😃麻辣青瓜 $8嚟到細細碟，但加$8都算係咁啦！但我開頭見到佢時，我心諗，會唔會好淋呢？食青瓜梗係要食爽口啦！點知食落超爽口喎，佢麻度同辣度配埋
尋日開始放大假，就返去屯門針灸，順便同奶奶食返個下午茶，我奶奶好鐘意食上海嘢，而咁啱商場又開咗間新嘢，所以就同奶奶兩個撐吓枱腳啦！🥰🥰🥰
T1 堅信號生煎包 （4個）$28
其實坦白講，佢嘅款式唔算多，就算散叫都唔多，我開頭都唔知食乜好，但我見到枱面介紹呢個生煎包，講到好多湯汁，食嘅時間要好小心，講到咁吸引，梗係要試試佢啦，嚟到個樣好靚，唔係大大個果隻，就咁睇真係唔似會係咁多汁果隻，到我食時，嘩！真係好多汁，好大嚿肉餡，皮好薄，肉汁好鮮，大家有機會真係要去試吓。😋😋😋
T4 古法扣豬手湯麵 $36
呢個同個生煎包真係比下去，如果比我再叫，我一定會叫生煎包，大家唔好誤會，唔係佢呢個麵唔得，其實佢呢個麵都好食，豬手炆得啱啱好，唔會唔夠淋，又唔會太淋，而個汁好香濃，個麵唔會太硬同太淋，湯底夠味，其實整體都唔差嘅，但由於我食生煎包先，所以我比佢嘅味道吸引咗。😃😃😃
麻辣青瓜 $8
嚟到細細碟，但加$8都算係咁啦！但我開頭見到佢時，我心諗，會唔會好淋呢？食青瓜梗係要食爽口啦！點知食落超爽口喎，佢麻度同辣度配埋青瓜都係啱啱好，因為奶奶唔食得辣，所以我一個人食晒，但都真係唔夠喉。👍👍👍
最後，奶奶茉香綠茶， 我就加咗$2叫豆漿，埋單都係$74，都真係抵食嘅。👌👌👌
整體味道評分： 80
但都係果句，如果佢多d款式，好似鍋貼、小籠包、蔥油撈麵等等咁就仲好啦！🤣🤣🤣
張貼
