蔬芙 (已結業)

住係杏花邨咁耐，其實本身對這一區的餐廳沒有什麼期望，佢開業左咁耐我都未食過，今日路過，見外賣有八折就走入去試吓，我order左pizza燉湯同埋刺身（晚市套餐）分量一啲都唔小，我個人一向大食但都好夠飽，所有食物都好足料，我就連Pizza上面嘅仿海鮮，都做得唔錯，菠蘿係新鮮菠蘿唔係罐頭菠蘿，魷魚做到嘅口感同真嘅魷魚唔大分別，蟹柳個口感直頭一樣，係帶子個口感變咗脆卜卜整體味道好好，個餅底仲係脆嘅。刺身方面雖然相似度唔算非常高，但我個人覺得都係幾好味，個燉湯非常好飲，飲得出冇落味精同埋好足料煲到好出味。下次一定會再幫襯