影片
更多
2018-08-05
540 瀏覽
湯加每況愈下3個月前初初新開店，抱住一試態度入座 ，意外被餐牌上兩款湯飯吸引。陳皮鴨腿湯飯、姫松茸竹絲雞湯飯，兩款皆屬清澈濃味湯底 ，「曾」令人讚賞。令我和家人都忽略....樓面員工態度散漫、愛理不理、前言不對後語等等...大大小小問題，而經常光顧。最近一個多月，每次光顧都令人感到新奇有趣- 樓面員工唔知燕麥飯同藜麥飯有咩分別？ 上錯再反問食客，邊有黎錯？- 阿華田同水冇分別，食客反映冇味，但樓面 回答：換過杯阿華田都係一樣味，唔會有分 別。- 炸雞翼拎番入廚房番炸都仲係流緊血咁放係 食客面前，隔夜滷水雞翼除左乾，仲可以咸 過咸魚。- 竹絲雞湯加水唔好以為食客飲唔出。昨日，原本清澈見底、湯味濃郁既鴨腿湯，變成「渾濁特咸豬骨湯底+鴨腿」放係我面前，問樓面員工呢款係咩湯，佢望一眼答我清湯，我再問呢款湯係清湯？佢都再答係。可能我呢位食客都比呢位肯定唔係新入職既樓面同事更熟悉貴店餐牌，其Hea 客態度更令人火冒三丈。 我：呢款湯飯之前都唔係咁既色亦唔係咁既 味。樓面：之前一向都係咁。 我：我地食過好多次，都唔係咁渾濁唔係
3個月前初初新開店，
抱住一試態度入座 ，
意外被餐牌上兩款湯飯吸引。
陳皮鴨腿湯飯、姫松茸竹絲雞湯飯，
兩款皆屬清澈濃味湯底 ，
「曾」令人讚賞。
令我和家人都忽略....
樓面員工態度散漫、愛理不理、前言不對後語等等...大大小小問題，
而經常光顧。
最近一個多月，每次光顧都令人感到新奇有趣
- 樓面員工唔知燕麥飯同藜麥飯有咩分別？
上錯再反問食客，邊有黎錯？
- 阿華田同水冇分別，食客反映冇味，但樓面
回答：換過杯阿華田都係一樣味，唔會有分
別。
- 炸雞翼拎番入廚房番炸都仲係流緊血咁放係
食客面前，隔夜滷水雞翼除左乾，仲可以咸
過咸魚。
- 竹絲雞湯加水唔好以為食客飲唔出。
昨日，原本清澈見底、湯味濃郁既鴨腿湯，
變成「渾濁特咸豬骨湯底+鴨腿」放係我面前，問樓面員工呢款係咩湯，佢望一眼答我清湯，我再問呢款湯係清湯？佢都再答係。
可能我呢位食客都比呢位肯定唔係新入職既樓面同事更熟悉貴店餐牌，其Hea 客態度更令人火冒三丈。
我：呢款湯飯之前都唔係咁既色亦唔係咁既
味。
樓面：之前一向都係咁。
我：我地食過好多次，都唔係咁渾濁唔係
咁既味。
樓面：（大叫入廚房）你地呢碗咩湯黎！
拎完碗湯入廚房，再拎番出黎
樓面：師傅話煲番熱左，係會咁。
我：根本唔係呢款湯，一睇就知。
樓面：我地都唔清楚，d湯唔係係度煲，係係
出面工場拎黎。
除左話取消，真係唔想再爭論落去。
隔離枱比我地亦更早取消，原因係：
除左等左好耐，亦黎漏左野，寧願去對面食薯條，都唔換其他野食，仲加句「好快摺得」。
後面個枱食客表示：
食開既一睇就知係咪個樣野，當食客傻既？
最後想反映：
食物質素每況愈下，食客一定會知，
每次入到去，都有食客燥底咁離開，
開張只係3個月，由7成滿至而家不論咩時間都只係得幾枱食客，事實反映全部。
貴店湯加
有客人，可能係某食物有得某些食客青睞。
尚有客人，表示貴店僅有尚存食物吸引到食客。
大興商場，食店寥寥可數，
冇心經營，請空出僅有舖位，讓區內居民有更好選擇。
P.S. 連新嘗試既酸菜深海魚柳湯都咸得可怕，唔係唔好食，係好難食
今次係最後一次光顧，可能睇到文章既認為，只係冇左一兩個食客姐，但只要到場一睇，一聽，就可以確信，
「湯加 」- 又點只冇左一兩個食客咁簡單。
張貼
