Cocina 3 Tapas Restaurant & Bar (已結業)

今日同朋友去到奧海城買啲嘢，去到都唔知食乜嘢好，又想靜靜地食西餐，就去了第三期地下既Cocina了。店員首先提供消毒酒精清潔雙手，再送上了小食比大家開個胃先，脆脆地都唔錯㗎。之後打開餐牌見到都有唔同嘅嘢食，一於樣樣都叫一些先。普羅旺斯燉雞推介之選，大大件啖啖肉，味道十分之Juisy，有半隻咁多，燉雞絕對唔會太過硬或者太過咸，厚切大大件，味道有雞味之餘又有口感，非常不錯！慢煮牛面肉寬條麵牛面肉味道煮得十分之香口，又唔會爛爛的，其中一味開胃之選。寬條麵十分之爽口彈牙，配上了也十分之不錯的醬汁，Cool！陳醋燴豬仔脾由於佢係以西班牙菜為主，相信佢哋嘅豬仔脾用了特式嘅西班牙煮法，見到佢既火候預得啱啱好，剛剛煮熟晒，一啲都唔會鞋口，當然這是一碟成功嘅豬仔脾非常重要的一環。另外也調味得不錯，十分推介！ 凍檸茶/鮮橙汁味道一樣咁好，皆因食西餐當然少不免要叫杯嘢飲，一路食一路傾一路飲，悠閒地透過門口望着出邊商場上匆匆忙忙的遊 人，相映成趣，為完美嘅一餐晚上完美嘅句號。