Ms B's Cakery (已結業)

今年生日收到個惡號令到我非常十分之唔開心, 所以同左全世界講即刻我最重視最期待既生日都不想再慶祝啦! 點知我個頑皮老公又製造surprise!!! 冇想像過佢會去訂Ms B既蛋糕🤗🤗雖然呢個唔係我第一個Ms B蛋糕但我收到都好開心. 算是苦中一點甜令到唔開心既氣氛輕輕帶淡左一點. 開頭我以為係Red Velvet, 點知原來係Raspberry. 對於出面既cake我一向冇咩信心,通常都係睇得唔食得但係前幾次既Ms B都係又睇得又食得, 今次都冇令到我失望. 海綿蛋糕鬆軟,中間既cream香滑又唔甜! 咁多年水準同味道都仍然不變.