貝爾特酒廊 (裝修中)

今日去屯門新開啲貝爾特酒店食午餐，我平時唔鍾意食豆豉鯪魚，因為討厭佢油淋淋，但試過好特別啲豆豉鯪魚pizza，覺得好好味，完全冇油淋淋，個pizza皮又香又脆！食完仲order一個外賣比屋企人試下。大家真係一定要試下！又試咗鮮濃魚湯浸唐生菜，啲湯真係好濃好好味，最後忍唔住要飲哂！仲有椒絲腐乳炒通菜，好香好好味，應該用咗啲靚腐乳。另外，又試咗薑汁撞奶，好滑好滑，薑味啱啱好，甜味亦啱啱好！下次會再去！！