影片
更多
2020-06-09
1186 瀏覽
阿哥由細到大都好鍾意食粥，佢今晚帶我嚟佐敦嘅「元朗新記」食晚飯，仲點咗成枱都係我鍾意食嘅嘢。呢到環境唔錯，夠光猛企理，坐得都幾舒服。我哋倆個人，點咗：蜆介鯪魚球（$52）鮫魚球一客有六粒，大大粒，炸到金黃色的較魚球入口好彈牙，蘸點最佳拍檔嘅蜆蚧醬，好惹味。咬一啖熱辣辣嘅鯪魚球，飲一啖泰式青檸冰 （$23），青檸嘅酸酸甜甜滋味，加上凍冰冰嘅感覺，嘩，好正。原煲生滾貴妃雞粥（$52）粥底好綿滑，份量亦足，鮮味嘅雞肉及清香葱粒與粥融和一起，好鮮甜好味，果然係老字號。炸兩（$20）我一啖咬落去，炸兩裡面嘅油炸鬼竟然係脆架。酥炸魷魚鬚（$ 55）魷魚鬚炸得好香，入面嘅魷魚好爽口不韌，一條接一條，食唔停口。灼菜心（$31）大大碟，肥嘟嘟，好新鮮嘅菜心～薑汁紅棗糕（$16）千層糕做法，一層薑汁糕，一層紅棗糕，薑味濃郁口感煙韌，甜度適中。全部都係我鍾意食嘅嘢，雖然不是什麼名貴菜式，但好開心，而且價錢很實在，倆個人食到好飽，共$ 249，無加一。會再來。
蜆介鯪魚球（$52）
鮫魚球一客有六粒，大大粒，炸到金黃色的較魚球入口好彈牙，蘸點最佳拍檔嘅蜆蚧醬，好惹味。咬一啖熱辣辣嘅鯪魚球，飲一啖泰式青檸冰 （$23），青檸嘅酸酸甜甜滋味，加上凍冰冰嘅感覺，嘩，好正。
原煲生滾貴妃雞粥（$52）
粥底好綿滑，份量亦足，鮮味嘅雞肉及清香葱粒與粥融和一起，好鮮甜好味，果然係老字號。
炸兩（$20）
我一啖咬落去，炸兩裡面嘅油炸鬼竟然係脆架。
酥炸魷魚鬚（$ 55）
魷魚鬚炸得好香，入面嘅魷魚好爽口不韌，一條接一條，食唔停口。
灼菜心（$31）
大大碟，肥嘟嘟，好新鮮嘅菜心～
薑汁紅棗糕（$16）
千層糕做法，一層薑汁糕，一層紅棗糕，薑味濃郁口感煙韌，甜度適中。
全部都係我鍾意食嘅嘢，雖然不是什麼名貴菜式，但好開心，而且價錢很實在，倆個人食到好飽，共$ 249，無加一。會再來。
張貼
