Tapa Room (已搬遷) 新店位置

如果唔係有朋友介紹，我都唔知道原來銅鑼灣有間咁高質嘅西班牙菜。環境夠曬chill， 食物正宗，價錢合理，服務又好 ，這一晚西班牙之夜，大家都好開心。飲飲酒，食下tapas好relax! 呢度嘅主廚好nice，佢曾在西班牙學藝。我覺得佢嘅出品味道好正宗，係我暫時食過嘅西班牙菜之中最喜歡。囡囡飲蘋果汁，我就飲有酒精的tanqueray， 裏面有伯爵茶同橙，好清新特別。先來一碟慢煮八爪魚，一啲都唔鞋，好嫩滑。呢度嘅招牌菜西班牙薯仔蛋餅，面頭有啲蒜蓉蛋黃醬好惹味。Tapas重試咗香橙牛肉沙律，沙甸魚蕃茄麵包，黑豚肉丸。但我最喜歡嘅一定係鵝肝比堅尼三文治 ，鵝肝醬香濃，多士烘得非常脆。主廚解釋係用咗兩種油去炸，才有這個效果。除咗各款tapas之外，還有海鮮鍋飯。我哋仲食咗一隻法國黃油春雞，雞肉超滑溜，本身大家都很飽， 但太好味食下食下好快清曬。最後還有甜品肉桂多士，造型同口感有點似麵包布甸，面頭灑上一些肉桂粉同砂糖，簡簡單單但卻又非常美味！