上野鐵板燒專門店 (已結業)

最近比較忙,現在先寫食評,7月11日是小弟生日,老婆提議去上野食鐵板燒, 我好久也沒吃鐵板燒了, 所以沒有異議.訂位Bar枱7點半都幾好生意, 差不多坐滿, 好彩有訂位. 我地叫了2人大蝦套餐, 加2隻南非鮑魚,鮑魚真是好鮮味, 口感一流, 加多支清酒賀賀佢. 套餐有：沙律, 清清地, 刺身好新鮮,賣相就一般, 大蝦好彈牙, 爽口,三文魚扒熟了少少, 但味道尚好, 幾香口, 安格斯牛扒五成熟, 肉味濃, 肥師傅還會點點火, 氣氛一流！炒飯食得出一粒粒分明香口, 活魚湯鮮甜, 炒菜就嫌多油了少少.師傅一有時間就同我地傾下計, 感覺上佢都好開心, 我地仲可以問佢食野的問題, 大家有傾有講, 幾開心. 鐵板燒除了師傅技術, 用料新鮮, 同客人溝通都好重要呀！這餐飯食了2小時, 真是很開心, 最後經理過來又同我地傾下, 真是值得推介！