八方庭

營業中

休息中

前兩日係公公嘅生日我地成家人就一齊去咗屯門八方庭酒樓食生日飯。叫咗都頗多嘢食就重點介紹印象最深刻㗎啦！第一樣係叉燒拼燒腩仔，叉燒每一塊都好厚身係半肥瘦，再加上有滿滿嘅密汁真係好好食。而燒肉個皮好脆口，食落會有卜卜脆聲而肉都唔會老！第二樣德國脆皮豬手真係令我哋覺得好驚喜！本身覺得應該普普通通但係豬手好脆而且唔會過鹹。第三樣係污糟龍躉蒸雞，呢個係成盤上，雞肉完全冇雪味仲好滑嫩而龍躉最正係冇滑真係啖啖肉，魚都冇腥好食！第四樣係蝦球豆腐蒸水蛋尼個就好清淡，食咁多重口味食物再食呢個就岩哂啦，蒸蛋同豆腐都好滑加上彈牙蝦仁。最後一樣係拔絲菠蘿咕嚕肉，咕嚕肉酸酸甜甜同汁好夾，而菠蘿雖然係配料但意外地幾甜喎！