龍閣

營業中

休息中

天氣開始轉凍，出街食飯總會想去打邊爐，而今次就去到黃埔一間中菜廳裏面同朋友一齊烚吓烚吓，除咗可以暖吓個胃之外仲可以同朋友過一個開心時刻。一開始就點咗蕃茄薯仔牛腩湯底，同埋調配唔同嘅醬汁。湯底非常之鮮味而且好足料，裏面有非常之多嘅蕃茄、薯仔、牛腩。而牛腩亦非常淋身，非常有牛味。之後亦叫了四寶丸，分別有牛丸、魚肉丸、蝦丸、墨魚丸。粒粒分明而且都幾彈牙，個人就鐘意佢個牛丸味道相當突出。而牛肉拼盤亦非常之吸引，如果選擇牛肉配料其實可以選擇呢個拼盤，因為種類非常之多，可以一次過食到牛不同嘅部位，加埋個蕃茄湯底真係恰度好處。之後當然唔少得叫一啲蔬菜食啦，而呢到打邊爐仲可以有天使面嘅選擇，真係可以食到一碗蕃茄薯仔天使麵。