影片
更多
2019-06-20
291 瀏覽
蛋糕：#開心果千層蛋糕 #士多啤梨千層酥甜度（5星最甜）：⭐️⭐️⭐️濃度（5星最濃）：⭐️⭐️⭐️⭐️🍴：餐具 ✔️ / 蠟燭 ✔️ / 冰包 ✔️/ 紙盒✔️🏷：✔️（長度限於36個英文字母或12個中文字以內）💬：永遠都總係俾我感覺上唔到大檯嘅服務，高級嘅蛋糕，高級嘅Location，高級嘅價錢，但茶仔嘅服務。🔘：件裝/ 個裝 6”或9”；條裝💰：開心果千層蛋糕 $75, 6” $480, 9” $750；士多啤梨千層酥 $62, 條裝 $420。————————————————————————性價比：中多謝大家踴躍參加投票，無錯，有自由選擇真係好重要。結果係有60%嘅followers投咗蛋糕一票，比數唔算大比數勝出，而𠵱個Post都可以話差啲冇得面世！而如果薯條真係多人揀，不論我預備咗幾多，用咗幾錢去食，我都甘願唔出𠵱個Post。搞得投票，就要尊重賽果，尊重投票嘅人，尊重民意就係咁簡單。Lady M不嬲都唔係我哋杯茶，我哋認為$70幾蚊一件蛋糕，接近50%係用嚟買佢個名氣，唔值得。而原來對上一次都預言過，「如果下次真係再嚟食 Lady M，一定唔係因為好想食，但只會因為有新味！」無錯，真係因為有新味。
甜度（5星最甜）：⭐️⭐️⭐️
濃度（5星最濃）：⭐️⭐️⭐️⭐️
🍴：餐具 ✔️ / 蠟燭 ✔️ / 冰包 ✔️/ 紙盒✔️
🏷：✔️（長度限於36個英文字母或12個中文字以內）
💬：永遠都總係俾我感覺上唔到大檯嘅服務，高級嘅蛋糕，高級嘅Location，高級嘅價錢，但茶仔嘅服務。
🔘：件裝/ 個裝 6”或9”；條裝
💰：開心果千層蛋糕 $75, 6” $480, 9” $750；士多啤梨千層酥 $62, 條裝 $420。
————————————————————————
性價比：中
多謝大家踴躍參加投票，無錯，有自由選擇真係好重要。結果係有60%嘅followers投咗蛋糕一票，比數唔算大比數勝出，而𠵱個Post都可以話差啲冇得面世！而如果薯條真係多人揀，不論我預備咗幾多，用咗幾錢去食，我都甘願唔出𠵱個Post。搞得投票，就要尊重賽果，尊重投票嘅人，尊重民意就係咁簡單。
Lady M不嬲都唔係我哋杯茶，我哋認為$70幾蚊一件蛋糕，接近50%係用嚟買佢個名氣，唔值得。而原來對上一次都預言過，「如果下次真係再嚟食 Lady M，一定唔係因為好想食，但只會因為有新味！」無錯，真係因為有新味。
今次介紹嘅係開心果千層蛋糕 同 士多啤梨千層酥。先講講評價，過往，只有奶茶味蛋糕吸引到我哋回頭，可惜奶茶蛋糕經已落架。但唔緊要，從今日起，你哋可以試試開心果千層蛋糕 又或者 士多啤梨千層酥啦，兩款都好味。
開心果先。開心果味好香，好重開心果味，食完真係盲嘅都知佢係開心果味（明㗎啦）。但注意一吓，佢奶味同奶嘅質感都較重，唔鍾意奶嘅朋友，未必啱你哋心水。整體蛋糕口感亦好軟棉棉，Cream非常充足，千層皮唔鞋口，相信同放得耐唔耐都有影響，堂食就好OK。開心果粒脆口，新鮮。比較過往食過嘅，佢今次真係挽回唔少印象分。
繼而，再食埋士多啤梨千層酥，大滿足。𠵱個可以話係可以吸引到我回頭，或者推薦俾人嘅蛋糕。可惜若然訂大版，都係Log Size，較難作為一個生日蛋糕。形容吓，千層酥係似一架雙層巴士，外殻係酥皮做成，酥度做得好，唔太硬，有𡁻頭，鬆化。而上層係以新鮮淡忌廉夾住士多啤梨，口感似食緊Custard。士多啤梨唔酸，甜度剛好，幾refresh。而下層就係海棉蛋糕加同上層一樣嘅淡忌廉。由於佢個淡忌廉做得好好，食落好好味，濕潤度高，唔漏，好喜歡。
不過好味還好味，我覺得$62到$75一件蛋糕，都係略為貴，性價比未能達至中上。間唔間一次，可以（特別知道埋個反式脂肪咁高）。但若然去Lady M點都要洗一次錢，𠵱兩件可以係個選擇。
開心果千層蛋糕
$75
20 瀏覽
0 讚好
0 留言
士多啤梨千層酥
$62
24 瀏覽
0 讚好
0 留言
張貼
