蘭苑饎館

營業中

休息中

💚蘭苑饎館💚開心果糊 $36伊朗嘅開心果，所以同平時食開嘅開心果味唔太相同，會淡少少。聞落超香開心果味，但食落就真係冇乜，可能伊朗開心果真係淡味啲。雖然顏色望落有啲恐怖，但佢係全天然。甜度適中，睇落好稠，但食落口好順滑，好似比芝麻糊再易入口啲。無糖杏仁糊 $35健康之選。真係完全唔甜，杏仁味好出。仍然食落口好順滑。補腦合桃露 $35合桃味好出，相信係真材實料咁用合桃打出嚟，比其他地方食到嘅更為濃郁。不過呢款就甜咗少少。藍莓糕 $17正常大菜糕。好多藍莓，都足料。但係糕本身嘅藍莓味就稍微弱少少，唔太食到。