珍珍食堂 (已結業)

好野要share,朋友介紹，食物有水準，好好味，食到中段我已經好飽，仲要打包返屋企比老公食。其實本來不太喜歡去工廈及私房菜入面食野，因試過幾次不愉快及食品麻麻。但今次去珍珍飯堂真係要讚下，食嘅唔只手藝，以咁嘅價錢亦可以食到咁嘅材料，下次做節要帶埋屋企人來食。由冷盆，青瓜，海帶，蜆，好濃味嘅鮑魚，螺頭湯，到熱葷入味嘅鮑魚，雞，黃金大蝦，炸子雞，魚，星洲酸辣蟹，啫啫芥蘭菜，鮑魚窩飯，様様好食，夠味👍🏿！上菜又配合我哋，因中段有抽獎！我哋又不停影相，歡樂咗成4小時，好開心，好好食！直得推介