賀喜 (雲疊花園商場) (已結業)

朋友喺大圍住我屋企附近有間唔錯嘅日本嘢， 當然要同我開心share！ 去到見到喺間小店嚟嘅～我堅信，小店出品特別用心！唔想諗咁多所以嗌咗個set ，睇見呢個二人餐Menu，都知道夠曬豐富! 杯杯碟碟餐具全部都印曬佢嘅logo, 夠曬氣派! 蟹子沙律～ 作為一個開胃菜，份量啱啱好，青瓜絲 、蟹柳絲、 蟹子加埋沙律醬， 呢個配搭係最穩陣，好味！四色刺身～ 每件 刺身都係厚切大件 一入口充滿幸福嘅感覺， 有兩款魚類 一款蝦，一款貝類。 當中我最欣賞嘅就係赤貝刺身， 爽口新鮮！雜錦壽司拉招牌卷～ 見到有咁多款唔同嘅壽司，真係心情都靚啲，highlight返佢嘅招牌券， 內容好豐富加埋鰻魚包住卷物，先係軟淋淋嘅魚肉口感，再有脆卜卜嘅蟹子餡料，外軟內脆，層次分明！麵豉湯～ 絕對唔係一般冇heart嘅麵豉湯，裏面見到有魚塊、蟹柳……等材料非常豐富！三文魚腩～ 三文魚本身充滿 omega-3 ，絕對係有益嘅食材，加上佢用香煎嘅方法去烹調 ，真係非常香口！天婦羅～ 裏面有番薯、矮瓜、南瓜、 炸蝦……等 ，最鍾意食就係矮瓜呀！ 雖然外面脆脆的，裏面仍然keep住非常juicy， 加上天婦羅汁，簡直一流！稻