影片
更多
2013-03-22
31 瀏覽
朋友生日，一行10人去慶祝，本來去食韓式燒烤，但有人提議試新野，去咗銅鑼灣新開嘅一壽司料理，係食日式放題，咁一班人食buffet又幾開心。餐廳內環境都寬敞，座位舒服，但book咗位食8:00pm時段，去到都幾多人等入座，不過都安排得好快。有個朋友一坐低就叫咗兩大盤刺身，有9款刺身，都好大堆頭，大家都忍唔住影相。北寄貝真係好大塊，厚肉嘅北寄貝特別爽口，有款叫白玉豚刺身，即係白吞拿魚，食落似劍魚腩，魚肉好有質感充滿油份，好食過普通嘅吞拿魚，甜蝦真係好甜美，希靈魚就一般，得個爽口，可能我麻麻地希靈魚，而松葉蟹棒雪得太冰，蟹味亦唔太夠，不過個海螺片又幾鮮味喎，而三文魚都係靚嘅貨色，整體刺身都又新鮮又肥美，睇得又好食。手卷size係比較細件，幾啖就食晒，但呢個份量幾好，可以留返個肚食其他野。最好食嘅係海膽手卷，好大舊海膽，非常新鮮，特別鮮味，一口氣食咗2件。有4款沙律可選擇，我地咁多人，就叫晒4款，我個人喜好係豆腐沙律，比較清新可口，幾開胃。呢度汽水任飲，茶都有3款，全自助形式，汽水都有好多選擇。有幾款食物叫茶碗蒸，睇英文steamed egg先知係蒸蛋，我食咗黑松露茶碗蒸，黑松露味好香，令成碗
有個朋友一坐低就叫咗兩大盤刺身，有9款刺身，都好大堆頭，大家都忍唔住影相。北寄貝真係好大塊，厚肉嘅北寄貝特別爽口，有款叫白玉豚刺身，即係白吞拿魚，食落似劍魚腩，魚肉好有質感充滿油份，好食過普通嘅吞拿魚，甜蝦真係好甜美，希靈魚就一般，得個爽口，可能我麻麻地希靈魚，而松葉蟹棒雪得太冰，蟹味亦唔太夠，不過個海螺片又幾鮮味喎，而三文魚都係靚嘅貨色，整體刺身都又新鮮又肥美，睇得又好食。
手卷size係比較細件，幾啖就食晒，但呢個份量幾好，可以留返個肚食其他野。最好食嘅係海膽手卷，好大舊海膽，非常新鮮，特別鮮味，一口氣食咗2件。有4款沙律可選擇，我地咁多人，就叫晒4款，我個人喜好係豆腐沙律，比較清新可口，幾開胃。呢度汽水任飲，茶都有3款，全自助形式，汽水都有好多選擇。
有幾款食物叫茶碗蒸，睇英文steamed egg先知係蒸蛋，我食咗黑松露茶碗蒸，黑松露味好香，令成碗蒸蛋好味晒，蛋亦好滑，蒸得啱啱好，唔會令d蛋老，好好味嘅一個蒸蛋。冬茹天婦羅同南瓜天婦羅都好食，特別係南瓜天婦羅夠甜，而個天婦羅粉漿炸得夠鬆脆，唔太油，好食。
有人食咗皇帝蟹石鍋粥話好食，份量唔係好多，一個飯碗左右，我地每人都叫咗一碗食，個粥煲得好綿好鮮甜，雖然唔係一啖啖蟹肉，但真係有蟹嘅鮮味，加埋有蟹籽，味道特別好。另外仲食咗好多炸物及串燒，人多食日式放題最大嘅優點，就係可以點不同類型嘅食物每樣食d，感覺特別開心。
甜品有自助乳酪及軟雪糕，我食咗藍莓乳酪，加咗玄米粒、乳酸爆珠、胚芽粉及彩色朱古力條，好好味。朋友生日，只要book位時講低，當晚出示埋身份證，4個人以上食飯，就有蛋糕送，個蛋糕係朱古力mousse蛋糕，濃濃嘅朱古力味，mousse cake又夠軟滑，估唔到送嘅蛋糕都咁好食，抵讚！下次再有朋友生日，可以再嚟呢間食生日飯。
張貼
