影片
更多
2021-11-07
6698 瀏覽
-🦄翠樂庭餐廳 自助晚餐 (ADULT) Hkd688Rating🌕🌕🌕🌕🌑-雖然迪士尼樂園 我真係成日都去 我嘅第二個家😂但係入住香港迪士尼樂園酒店 都真係第一次而翠樂庭餐廳 就唔記得 細個有無食過喇 太耐了…-適逢生日週而又想用咗白金卡會員嘅優惠就去咗樂園酒店住返晚 仲嘆埋佢哋嘅自助餐果然星期六日呢啲假期真係好多人 滿咗95%左右-翠樂庭餐廳嘅自助餐 整體嚟講 食物選擇唔太多不過感覺上 我都幾滿意 等我逐一簡紹返先hehe…-♦️海鮮冷盤。壽司刺身區♦️呢個價位有供應長腳蟹同埋龍蝦 都係好應該的不過龍蝦比較細隻 味道一般 反而長腳蟹幾好食蟹肉容易拆開 唔使點剪都可以食到好乾淨蟹肉飽滿而且好夠鮮甜 青口海蝦我就無食到不過我最愛嘅翡翠螺先係世一 鮮甜彈牙 好新鮮壽司刺身我無食到 自助餐嘅壽司刺身一向麻麻地-冷盤仲有提供各款沙律 味道唔差 選擇都豐富 唔錯當然仲有啲大路嘢 例如係煙三文魚 火腿腸仔等等-呢個Area啲食物都係ok嘅 食1-2輪已經好足夠😌-♦️熱盤區♦️-💚 比較欣賞翠樂庭餐廳嘅廚師又或者係待應們💚 佢哋會好主動咁 推薦食物比各位食客💚 唔係好似其他酒店咁 得個企字 企係度💚 又
🦄翠樂庭餐廳
自助晚餐 (ADULT) Hkd688
Rating🌕🌕🌕🌕🌑
-
雖然迪士尼樂園 我真係成日都去 我嘅第二個家😂
但係入住香港迪士尼樂園酒店 都真係第一次
而翠樂庭餐廳 就唔記得 細個有無食過喇 太耐了…
-
適逢生日週而又想用咗白金卡會員嘅優惠
就去咗樂園酒店住返晚 仲嘆埋佢哋嘅自助餐
果然星期六日呢啲假期真係好多人 滿咗95%左右
-
翠樂庭餐廳嘅自助餐 整體嚟講 食物選擇唔太多
不過感覺上 我都幾滿意 等我逐一簡紹返先hehe…
-
♦️海鮮冷盤。壽司刺身區♦️
呢個價位有供應長腳蟹同埋龍蝦 都係好應該的
不過龍蝦比較細隻 味道一般 反而長腳蟹幾好食
蟹肉容易拆開 唔使點剪都可以食到好乾淨
蟹肉飽滿而且好夠鮮甜 青口海蝦我就無食到
不過我最愛嘅翡翠螺先係世一 鮮甜彈牙 好新鮮
壽司刺身我無食到 自助餐嘅壽司刺身一向麻麻地
-
冷盤仲有提供各款沙律 味道唔差 選擇都豐富 唔錯
當然仲有啲大路嘢 例如係煙三文魚 火腿腸仔等等
-
呢個Area啲食物都係ok嘅 食1-2輪已經好足夠😌
-
♦️熱盤區♦️
-
💚 比較欣賞翠樂庭餐廳嘅廚師又或者係待應們
💚 佢哋會好主動咁 推薦食物比各位食客
💚 唔係好似其他酒店咁 得個企字 企係度
💚 又會主動介紹 而且熱盤多數係即叫即整
-
當然都有好多 就咁擺係度比大家夾嘅選擇啦
但係大家絕對可以要求廚師即刻整比你 新鮮啲
-
⭐️ 簡單講吓 個人比較推薦嘅熱盤比大家先 ⭐️
-
1️⃣ 蒸魚 魚肉好嫩滑 唔會蒸到過哂時 好食
-
2️⃣ 烤西蘭花苗 平時超市賣得好貴 自己整又唔好食
呢度可以任食 簡簡單單咁搵蒜蓉炒已經好惹味😋
-
3️⃣ 炒蘑菇 蘑菇控必食 我自己都食咗好多碗
蘑菇好多汁 口感極佳 後面仲有唔同醬料任加
-
4️⃣ 蒜蓉蒸龍蝦夠惹味 蟲草花雞湯又足料 熱辣辣
-
5️⃣ 各款咖哩真心好印度Feel 夠哂辣 配薄餅食一流
-
6️⃣ 烤盲鰽意外地好食 雖然有少少乾 不過好入口
-
⭐️ 另外仲有多款 肉類嘅熱盤 食肉瘦嘅天堂 會瘋掉
-
💚 比較特別嘅係有即叫即整嘅 黑松露Area
我細妹就3款黑松露料理都食過 賣相好精緻
南瓜意大利飯最推薦 南瓜味濃 加埋啲菠菜蓉
意大利飯嘅呢個濕度 軟硬度係剛剛好 值得一試
牛肉闊條意麵正常 係平時會食到嘅味道🤣
不過牛肉都幾淋 而意式雲吞就唔推薦比大家
因為佢話唔好食 不過每一碟料理都有幾塊黑松露
感覺上特別得嚟又高級咗 所以都係自助餐必拎嘅
-
7️⃣ 同埋麵包控會好開心 因為自助餐有好多麵包
-
♦️甜品。水果區
95%嘅甜品都有迪士尼角色嘅設計 賣相超靚
最最最好食係Duffy嘅抹茶紅豆布甸 好滑溜
抹茶味唔重 有少少抹茶啦 不過整體上唔錯
個人覺得佢啲芒果口味嘅甜品都係一般 麻麻地
例如係維尼熊芒果慕絲 芒果蛋白蛋糕等等
甜品選擇唔係好多 味道都還好 普普通通啦
-
當然唔少得有雪糕任食 雖然我無食到haha
當日雪糕口味係海鹽味 藍色嘅雪糕打卡一流
可以任食雪糕 無論係大人定係小朋友都會好開心
水果又有四款 每款都切到好細粒 我覺得細粒啲好啲
平時食開嘅自助餐 水果都係好大塊 超級飽肚
而往往水果係最後先食嘅食物 食到最後根本食唔落
所以呢一點小心思都值得稱讚嘅 水果都幾鮮甜
比較特別嘅甜品應該係Apple Crumble🍎🍏
我係佢完整無缺嘅時候影咗相比大家睇吓
好香嘅蘋果味 味道上都唔會太甜 可以一試😉
-
全場最開心都係可以同米妮 Pluto影相📸️
雖然有社交距離唔比互動 不過就咁影相都好開心
辛苦哂佢哋要企係度咁耐…真心覺得佢哋會好攰
我哋食咁耐 佢哋就企咁耐 唔知中途有無休息呢
-
張貼
