居廬 Cafe (已結業)

兩年前食過一次居盧，當時係比佢地既窩夫吸引。不過最近聽聞居盧轉左手，換左新老闆，所以又再去試試。今次同屋企人去，閒日既夜晚都坐左幾枱客人，老闆娘好熱情招待，我地叫左啤酒、紅白酒同沙冰，全部都唔錯。我地先叫左Parma ham配哈密瓜，再嗌左雞翼，蝦，春卷，仲有蒜蓉包配salami。個salami係和牛，好特別又好食再嗌左牛仔骨同龍蝦，最後都叫左士多啤梨窩夫。總括而言，食物質素高又好食，環境適合三五好友一齊食下野飲下酒聚下咁。不錯！