影片
更多
2008-10-01
8 瀏覽
同男友好耐冇出街食飯, 所以今日要食番餐似樣d既晚飯, 就去咗"風月堂"喇~兩人入到去時間還早唔駛等位, 個姐姐仲俾咗個4人既"L"形梳化位俾我地, 眼見周圍環境以白色為主, 地方好闊落, 坐得幾舒服~侍應好快放低清水同精緻餐具籃, 食具乾淨, 枱面仲有小花仔裝飾, 唔錯唔錯, 啱晒我呢種中意食環境既人晚餐頭盤: 日式帶子沙律---帶子厚肉幾鮮味, 沙律菜點碟邊和風汁, 酸酸味味幾開胃餐湯: 我)忌廉粟米蝦湯---平時好少叫白湯, 呢個唔錯, 入面有蝦肉, 味道起碼一定好飲過PIZZAHUT 友)羅宋湯---男友話唔錯俾70分佢喎, 見佢掛住飲唔記得俾我試吓應唔差得去邊主菜: 我) 煎鱸魚拼大蝦配白菌汁意粉---自己好少食白汁, 覺得漏, 自己個胃唔太受得, 今日都一樣, 因為冇得揀食到一半就好飽喇, 魚同蝦都好好味, 蝦既身仲"met"埋殼先至煎, 幾香口又大隻, 鱸魚滑唔腥, 係略嫌個白汁漏d, 同埋意粉唔夠爽身, 下次都係揀番d茄汁底好d~主菜: 友) 西冷扒拼煎鵝肝什菌汁配飯---眼見牛肉煎既成熟幾準, 試咗一少件, 有肉味, 食出冇化學過, 至於鵝肝, 其實我唔知佢個餐
兩人入到去時間還早唔駛等位, 個姐姐仲俾咗個4人既"L"形梳化位俾我地, 眼見周圍環境以白色為主, 地方好闊落, 坐得幾舒服~
侍應好快放低清水同精緻餐具籃, 食具乾淨, 枱面仲有小花仔裝飾, 唔錯唔錯, 啱晒我呢種中意食環境既人
晚餐頭盤: 日式帶子沙律---帶子厚肉幾鮮味, 沙律菜點碟邊和風汁, 酸酸味味幾開胃
餐湯: 我)忌廉粟米蝦湯---平時好少叫白湯, 呢個唔錯, 入面有蝦肉, 味道起碼一定好飲過PIZZAHUT
友)羅宋湯---男友話唔錯俾70分佢喎, 見佢掛住飲唔記得俾我試吓應唔差得去邊
主菜: 我) 煎鱸魚拼大蝦配白菌汁意粉---自己好少食白汁, 覺得漏, 自己個胃唔太受得, 今日都一樣, 因為冇得揀食到一半就好飽喇, 魚同蝦都好好味, 蝦既身仲"met"埋殼先至煎, 幾香口又大隻, 鱸魚滑唔腥, 係略嫌個白汁漏d, 同埋意粉唔夠爽身, 下次都係揀番d茄汁底好d~
主菜: 友) 西冷扒拼煎鵝肝什菌汁配飯---眼見牛肉煎既成熟幾準, 試咗一少件, 有肉味, 食出冇化學過, 至於鵝肝, 其實我唔知佢個餐有鵝肝, 如果唔係我一定會試吓, 原來圖中最頂頂個舊就係, 佢竟然唔話我知, 食飽餐飯出到去佢先提起, 仲話舊肝麻麻地, 不過一分錢一分貨啦, 百多元俾呢d野你算係咁...
甜品: 窩夫配雪糕---呢度其實係因為甜品而出名, 窩夫係其中一個推介, 雪糕有好3味選擇, 侍應姐姐推介我食豆腐味雪糕, 男友就自己揀芒果味, 冇介紹錯, 豆腐味以為會好淡, 但原來豆味幾出；而芒果味我覺得似牛奶公司/wall's個d, 冇咩特別, 但窩夫真係好正, 唔知點解佢可以整到個面咁"鬆脆"同埋裡面咁"軟熟", 跟餐甜品比較簡單, 下次我會散叫佢d甜品, 因為靚好多同好多花款揀...
飲品: 我)凍朱古力---味濃唔太甜啱晒我, 其實佢d熱飲杯具超靚, 個個花紋都唔同, 我下次會叫熱飲睇吓個杯點靚法~
友)凍咖啡---味苦, 幾濃郁, 凍飲都覺得香, 知唔係cheap野, 我諗熱飲會仲正, 有機會又唔夜會試吓~
兩人今餐食得幾滿足, d侍應姐姐個個都好好禮貌, 又有笑容, 服務幾好, 值得一讚, d食物一道道上, 唔會吹到凍晒, 又做得精美漂亮, 同埋食到後期好多人等位, 但呢度都唔趕客, 眼見好多食客仲慢慢飲慢慢坐....不過我就唔得喇, 我地坐正風口位, 要快快埋單走人...開心既一餐
張貼
