影片
更多
2014-01-14
1765 瀏覽
趁新一年開始相約幾位好姐妹飯聚，因為友和既方便交通又服務周到食物更美味，故一至讚成去呢個老地方聚一聚。 記得細細個已聽過友和日本料理呢個大名，不過印象中當時屬高消費餐廳，故家人好少帶我去開餐呢。 之後大概六年前因朋友推介從此經常到友和午飯、晚飯聚會開餐。今次因五人當中有戎牛、唔食生嘢、病魔剛走，所以主要叫熟食為主，但一樣豐富美味 。炸豆腐 - 賣相吸引紅紅綠綠，表面用木魚碎包住豆腐炸，外面鬆脆裡面豆香嫩滑。天婦羅南瓜、蕃薯 - 南瓜、蕃薯新鮮香甜，天婦羅皮剛好夠脆。燒銀鱈魚 - 每次必叫大大件夠肥美醬汁醃得鮮味，外面魚皮燒得脆口，配埋蛋黃醬更加一流。鮑魚蟹羔炒飯 - 小煲仔上但每人都可分約半碗，裡面像鐵板炒飯盤豐富有紅蘿蔔、菜、蛋同醬油炒過熱辣辣，上面有鮑魚件，蟹羔、半熟蛋，撈均炒飯一齊食，滋味無窮。牛油炒雜菇 - 菇類雖然與熱會收縮，但一碟份量都唔少炒得入味。魚湯麵 - 魚奶湯麵亦都係每次必選，可配三文魚頭、鱈魚腩、大蝦，由於已叫好多肉食所以今次叫淨魚湯麵。 魚湯奶白色好似忌廉湯一樣咁濃郁滑溜，但絶無添加純大量魚骨、肉熬製出鮮甜無比嘅魚湯。 麵條索滿湯汁非常鮮味爽滑。燒三文魚頭 -
今次因五人當中有戎牛、唔食生嘢、病魔剛走，所以主要叫熟食為主，但一樣豐富美味 。
炸豆腐 - 賣相吸引紅紅綠綠，表面用木魚碎包住豆腐炸，外面鬆脆裡面豆香嫩滑。
天婦羅南瓜、蕃薯 - 南瓜、蕃薯新鮮香甜，天婦羅皮剛好夠脆。
燒銀鱈魚 - 每次必叫大大件夠肥美醬汁醃得鮮味，外面魚皮燒得脆口，配埋蛋黃醬更加一流。
鮑魚蟹羔炒飯 - 小煲仔上但每人都可分約半碗，裡面像鐵板炒飯盤豐富有紅蘿蔔、菜、蛋同醬油炒過熱辣辣，上面有鮑魚件，蟹羔、半熟蛋，撈均炒飯一齊食，滋味無窮。
牛油炒雜菇 - 菇類雖然與熱會收縮，但一碟份量都唔少炒得入味。
魚湯麵 - 魚奶湯麵亦都係每次必選，可配三文魚頭、鱈魚腩、大蝦，由於已叫好多肉食所以今次叫淨魚湯麵。 魚湯奶白色好似忌廉湯一樣咁濃郁滑溜，但絶無添加純大量魚骨、肉熬製出鮮甜無比嘅魚湯。 麵條索滿湯汁非常鮮味爽滑。
燒三文魚頭 - 魚頭油脂豐富，經燒烤後魚皮同骨都鬆化全部都可以㖔埋，而肥美魚肉都變得香口。
薑汁黑豚肉 - 用大量薑、洋蔥炒黑豚肉，薑味特出醬汁惹味。
菠蘿、豆腐、綠茶雪糕 - 美味雪糕作甜品，餐廳供應多款選擇而大家較喜歡呢三隻味，我就鐘愛菠蘿因除清甜菠蘿味外更有好多菠蘿肉。埋單時送上水果盤作結尾。
以前感覺友和難以高攀，但近年感覺到佢嘅親切隨和無其他名店嘅花巧造作，每次飯聚都氣氛溫馨有在家感覺一樣。
題外話/補充資料：
友和樽裝XO醬用料豐富非常惹味。
(以上食評乃用戶個人意見 , 並不代表OpenRice之觀點。)
張貼
