探魚烤魚

營業中

休息中

探魚在觀塘開了新分店，就在APM三樓，對正自動梯，位置非常就腳，就去試下吧。通常新店開張都比較混亂，好彩又無遇到什麼情況，只是食材供應有些短缺，我去的那天全部燒烤和大部份小食都售罄。小問題，應該好快得到解決。一入探魚的圓形大門，即傳來「爽麻無極限，開心食烤魚」的歡迎詞，入內環境相當寬闊，保持探魚一貫橙色裝潢。我和先生都不喜歡被麻辣搶去魚鮮味，所以點了個小辣的「蔥蔥蔥聰明烤淩波魚」（$298）。淩波魚肉質細膩有魚味，配料有香蔥、大蔥和美味肉丸。湯底香濃，帶少許花椒香味，非常惹味好吃。當天既然無小食可選，就多點幾款蔬菜：大白菜、金針菇和萵筍（各$30），全部已烚熟，放入湯中吸汁就食得。飲品點了囂張冰桔桶（$68），的確囂張，而且非常搶眼。酸咪咪的桔子水唔係好甜，冰涼清爽。最後當然要一人一份無限探索任食冰粉（$9）。這個探魚招牌都不需多介紹，烤魚未到已食兩碗，食完烤魚又來兩碗，已是基本了吧。