潮民

營業中

休息中

Tittle: 開心Share 之前睇過D食評都心郁郁想試，前幾日訂左位同2個姐妹黎試下，，試完真係忍不住打反篇食評分享下。9點去到都吾太多人，坐底環境都幾舒服，幾鍾意佢柔柔的黃燈光。我地話晒第一次黎，真係咩都想試下 ，於是叫左經理同我地介紹下，最後份量都由經理同我地安排埋（好貼心呢！) 我地試左"潮民愛心餃"，係豬肉韮菜餡黎，其實一食就feel到同出面差別係幾大下，D皮咬落下軟軟的，出面係完全無口感 個名都幾好窩心！我特別要讚的是那個肥牛芹菜餃，聽落個名都幾過癮，佢加左D芹菜，咬落爽口，鍾意食爽口野黎到一定要試呢個！口感無得輸！我地仲食左鹹蛋蝦餛飩，芝士煙肉餃，一樣係美味！之後黎左D海鮮。蠔是特大美國蠔，味道鮮甜，聞落係會仲有清清海水的味道，又係一個大讚！大家都知，要搵新鮮的蠔並吾係咁易！聖子，爽口鮮甜，鱔片的肉嫩嫩的，入口即融，一D都無魚腥味。兩個字講晒，新鮮！仲有丸類，汕尾魚蛋絕對值得一試，因為吾講真係吾知係魚蛋，其他的都係一樣好食。