甜牙牙 (已結業)

一班女人食完dinner梗係要直落食埋甜品，今晚就黎到呢間甜牙牙。我地就叫左呢個朱古力系列既二人大合奏。咁佢叫得大合奏梗係咩都有啦～例如朱古力窩夫，心太軟，脆波，仲有好多水果，例如士多啤梨，西瓜，香蕉等等。仲有兩球雪糕，一球雪呢拿，另一球薄荷。個窩夫食落都香脆既，係有少少乾，食番舊多汁水果，都幾正。心太軟就有好香濃既朱古力，都唔錯～雪糕就不過不失啦～呢個大合奏都唔平架，不過一齊share黎食，咩都可以試下，好多唔同口感，好好味，滿足！