川婆婆 (寶勒巷) (已結業)

呢排成日都去寶勒巷食lunch ,今日試下川婆婆，行幾級樓梯，入到去有少少酸辣味，其實有2張outdoor檯，幾好，我幾鍾意，有瓦遮頭又唔近馬路, indoor 裝修有啲舊，腳底係打邊爐嘅插蘇位，有啲頂腳。點咗set lunch 酸菜魚同椰菜花炒肉片，加3蚊有酸梅湯，酸梅湯味怪怪地，唔係飲開啲酸梅味，之後酸菜魚嚟到，嘩!好大碗喎，仲另配一個白飯，魚份量多，都幾滑，酸酸地幾開胃，不過對我嚟講有啲辣，58蚊嚟講算幾抵食，再嚟係椰菜花炒肉片，面都幾多辣椒，不過食落就唔係好辣，但好多油，啲肉又好肥，好唔健康。