丸十あぶり牧場 (已結業)

己亥年黎到近尾聲，d收爐feel出哂黎。年廿八洗邋遢，今日偏偏無喺屋企大掃除，而係約咗frd frd去旺角新世紀食收爐飯。佢話想食日本野，然後我哋就揀咗呢間丸十牧場。入面間隔好闊絡，裝潢極具東洋氣息。最緊要係坐得十夠舒服，啱哂我同阿frd喺度邊食邊吹水。我哋點咗好多野食呀！最想推薦俾大家嘅係「自家製明太子玉子燒」！呢個玉子燒超級好食！甜甜蜜蜜嘅玉子，再配上少少咸，又少少辣嘅明太子，簡直無得彈！熱鬧鬧，軟綿綿既玉子然後，仲有我自己最鍾意食嘅鰻魚飯，饅魚飯汁夠，而且塊饅魚真係好厚好大塊，可以做到一口饅魚一口飯。豚肉生姜燒，豚肉份量夠，伴飯好香。份量真係好足。大家share 。串燒，首先散叫了，雞之饗宴手羽翅、雞腿肉，雞胸肉，雞軟骨及雞皮。好好味既雞肉。燒得香口，而且調味一流。和牛串燒及日本豚肉，牛串香味正，牛味濃，只係少少鹽味已經超正。豚肉肥瘦分明。炸餃子，餃子只係38蚊5隻。汁好正，吾係一般餃子汁，是小小辣又好開胃。食到肚滿腸肥，希望鼠年，豐衣足食，賺到盤滿砵滿！