影片
更多
2009-07-14
37 瀏覽
5月22日, 今日去搵呀菲食飯, 呀菲帶咗我去街市, 由裕民坊開始上都行咗一段路, 個街市唔係好近apm, 午餐時間去到都冇乜人, 好少要等位, 可能d人覺得遠同埋熱啦…::: 海南雞飯 + 青檸水 ::: $28泰式海南雞同新加坡式唔同嘅係隻醬, 呢度係梗係泰式啦~ 得一隻醬同埋都幾辣, 攞黎撈飯非常開胃~ 另外都加有薑蓉, 所以都有d似係港式, 不過見廚師係泰國人, 應該都好地道~ 雞肉撕開咗一塊塊, 唔似用刀切, 好似手撕雞, 唔通真係可以保留雞肉嘅纖維? 咬落又真係好鮮味, 雞肉嫩滑, 完全唔老, 真係雞有雞味! 不過飯就麻麻, 油飯過乾同硬, 唔合格, 不過就食到粒粒飯都比雞油包住…青檸水係預先整好,我就冇乜要求, 係淡咗d.::: 豬頸肉炒金邊粉 + 龍眼冰 ::: $28本身以為佢係pad thai~ 不過唔係~ 但係都冇失望, 因為呢個都好好食!之前去隔離間泰興食過, 個炒金邊粉成碟底都比油浸住, 油到食唔到! 呢度炒金邊粉嚟講真係算above average, 炒得夠乾身又唔太油. 咬落又好煙韌~ 豬頸肉幾嫩又夠肉地~ 好味! 龍眼冰亦都足料, 有6粒龍眼肉, 味道清
::: 海南雞飯 + 青檸水 ::: $28
泰式海南雞同新加坡式唔同嘅係隻醬, 呢度係梗係泰式啦~ 得一隻醬同埋都幾辣, 攞黎撈飯非常開胃~ 另外都加有薑蓉, 所以都有d似係港式, 不過見廚師係泰國人, 應該都好地道~ 雞肉撕開咗一塊塊, 唔似用刀切, 好似手撕雞, 唔通真係可以保留雞肉嘅纖維? 咬落又真係好鮮味, 雞肉嫩滑, 完全唔老, 真係雞有雞味! 不過飯就麻麻, 油飯過乾同硬, 唔合格, 不過就食到粒粒飯都比雞油包住…青檸水係預先整好,我就冇乜要求, 係淡咗d.
::: 豬頸肉炒金邊粉 + 龍眼冰 ::: $28
本身以為佢係pad thai~ 不過唔係~ 但係都冇失望, 因為呢個都好好食!之前去隔離間泰興食過, 個炒金邊粉成碟底都比油浸住, 油到食唔到! 呢度炒金邊粉嚟講真係算above average, 炒得夠乾身又唔太油. 咬落又好煙韌~ 豬頸肉幾嫩又夠肉地~ 好味! 龍眼冰亦都足料, 有6粒龍眼肉, 味道清甜滋潤! 雖然都係一樽樽整定的, 但係依然比隔離泰興優勝~
呢間街市泰國野就真係幾抵食, 不過個街市冇冷氣, 太熱就食唔落… 我地本身都支持平食, 而食物質素都有保證, 食得開心, 消費都開心d~
張貼
