Infinity Workshop Cafe (已結業)

與好姊妹好久不見，難得見面當然要搵個又靚又舒服既地方慢慢坐下，傾下心事啦。姊妹話呢間餐廳環境好，食物有水準，係傾計談心既不二之選。入到餐廳已經感覺好舒服，餐廳既採光設計好好，日光照射住自己既感覺好溫暖，影相都靚過人啦！我同朋友仲坐咗係近窗邊嘅位置，食住甜品，傾住計，望住風景真係好享受！我同朋友點左下午茶二人餐，有2杯飲品，仲有一set鹹甜點，每件份量唔大，一啖一件岩岩好。呢杯三眼仔抹茶鮮奶真係又可愛又好飲，拎黎打下卡，呃下like一流👍🏼我特別喜歡下層既朱古力撻及檸檬撻，朱古力撻好香濃，一件細細地又唔會太膩，檸檬撻既檸檬味好突出，酸酸地可以平衡下甜味。