agnès b. DÉLICES (已結業)

閒來食件cake，當唔想俾10幾廿蚊去幫襯美心聖安娜一啲大型連鎖餅店嘅時候，就會試吓一啲其他嘅餅店。而往往呢啲餅店都係慕名而來嘅。細細的海綿蛋糕，面頭有一片好食嘅朱古力片，仲有一粒士多啤梨，海綿蛋糕嘅下面就係一啲雜果同cream。好老實講，佢真係比美心同聖安娜好食少少嘅，但係佢最好食嘅應該都係面頭塊朱古力，如果冇左塊朱古力，我諗佢要半價先會去買。雖然佢嘅海綿蛋糕真係好鬆軟，並沒有好麵粉嘅感覺，佢嘅雜果亦都真係好豐富。整件蛋糕唔會好甜，食晒成件都覺得唔錯嘅。只係感覺上未值呢個價。