Applegreen (已結業)

放閒日最鍾意出街食 lunch/ afternoon tea。因為閒日好多餐廳都會推抵食 set lunch/ afternoon tea, 比散叫平好多。今次放閒日我就去左呢間餐廳食 set lunch，覺得各方面都幾好。我叫的 set lunch 78 蚊加一，有湯、沙律、牛角包、主菜同飲品。雖然湯同野飲很一般，但沙律同牛角包都好味，尤其是牛角包，牛油味非常之香，細細個好滿足，唔會覺得油膩。主菜係牛油汁配龍利魚柳。除左薯條太幼，其他方面都很好味。牛油汁、沙律汁配炸魚，正！雖然未知它是不是龍利，因龍利較貴，但吃得出應該不是碟頭飯那種最廉價的魚柳。份量好多，食到好飽、好滿足。