嚐品慕茶 (已結業)

今次試呢間cafe我已經聽過唔少次，原來喺牛頭角站偉業街行到街尾就到啦。我相信嚐品慕茶最大嘅特色應該係地方好大好大，應該有成四個班房嘅size，而且餐廳環境就走田園、復古風，所以一向都好啱文青們去打卡、同好姐妹閒聊～我大概六點就到，過咗下午茶時間，所以點了兩個dinner set！包主菜同甜品，另外我仲加錢點了甜品兩客添！1. E餐：紐西蘭牛扒配薯格（$152) 七成熟的牛扒整體都無筋，容易切開。但我最驚喜反而係啲薯格！相比平時喺ikea、KFC食到嘅，呢到嘅薯格炸到非常之脆口！亦唔會過一陣就硬哂！2.煙三文魚青醬鴨胸意粉（$82): 呢碟就偏鹹少少，但青醬意粉就比較特別，旁邊有少少salad感覺無咁油膩！甜品我分別加$28，試下抺茶餅、Brownie。甜品上嘅雪糕口感有別於市面一般嘅雪糕，相信係自家製，好好食。我個人就鐘意抺茶餅，淡淡嘅綠茶味，加埋雪糕食又唔會太甜！