壽司郎 (青衣城1)

營業中

休息中

晚市時間經過，見唔使排隊有得即刻入座，而且好似都有兩年以上無食「壽司郎」，就決定入去食晚餐。三款比較好食，可以再 encore・珍寶帶子：大粒，鮮甜・牡丹蝦：彈牙・貝三味：爽口而有三樣食品，記得下次一定唔好再嗌・原條海鰻壽司：太腍，完全無口感・天婦羅拼盤：好油淋淋・鯛魚湯蜆肉拉麵：第一次係壽司店叫拉麵，可惜十分失望，湯底無味，拉麵煮到好糊，兼且無彈性至於其他食品，都係中規中矩，預期之內嘅味道。倆口子，總共食咗21碟，連加一$378，唔可以話貴，但亦唔算平，抵唔抵？見仁見智啦，間唔中食吓，過吓口癮都可以嘅。另外，60分鐘用餐時間，其實真係幾趕。