閨•家 (寶榮大廈) (已結業)

又嚟食閨家喇！除左因為餐廳係公司附近，夠哂方便之外，湯水都無加任何味精，食得健康又放心。咖喱豬扒飯可揀唔同辣度，包括走辣、小辣、中辣及勁辣。今次試既小辣就一啲都唔辣，咖喱汁帶點甜味，有兩片豬扒，好鬆軟好易就咬得開，仲有少少薯仔同紅蘿蔔等配菜。海底椰栗子煲豬展最鐘意飲呢類偏甜既湯水，有豬展及栗子等湯渣，好足料，而且無落味精，飲完都唔會口乾。菜心跟餐加$12可以揀生菜或者菜心，可配豉油或蠔油。凍朱古力典形既茶記凍朱，上面凍凍地，底部係用熱水剛沖好既朱古力，撈勻後飲更好味。