上岸料理 (已結業)

今日閨蜜為左同我補足生日飯，她就帶咗我去呢間上岸料理食晚餐。 門口裝飾得幾特別，好有日式風情， 好似去左日本咁。內裏裝修簡單整潔， 只有幾張小枱，如果要食一定要提早預約呀。明太子薯蓉沙律紫菜非常香脆，薯蓉整得夠溶兼好入味，再配少量明太子，分量好足，味道非常夾。深海池魚薄切配胡麻鯖魚刺身池魚透薄， 肉質鮮嫩。 鯖魚刺身厚切， 肉質軟滑，非常有口感。海膽白身魚卷魚卷大細適中，海膽鮮甜，用白身魚包住，非常煙韌爽甜。沙鱔魚天婦羅沙鱔魚即叫即炸，粉薄之餘仲外脆內滑， 魚質夠晒鮮嫩，仲好juicy添， 一啲腥味都冇。赤雞香味燒來自日本嘅赤雞， 燒到金黃色， 雞皮香脆肉質嫩滑彃牙， 送到枱上還帶暖暖的。燒廣島蠔蠔夠晒大隻鮮甜，食落口仲好creamy，真係一試難忘。黑松露烏冬看似好普通，但食落口比較煙靭黏口， 芝士味夠香濃，用料份量剛剛好，非常惹味。最後食返個綠茶雪糕先，真係大滿足了。平時食壽司就食得多， 呢種日式食法比較小之餘仲好特別， 所以相當有驚喜呀。餐牌簡約，隨意挑選幾款已經好足夠了。