Moontone (已結業)

經同事介紹，收工後去咗呢間colorful嘅cafe一試。同一條街都有不少食肆，好彩佢個門面都好易揾咋~一入門口就比個地台位置吸引，不過因為要除鞋，所以就打消咗上去坐嘅念頭。係中間位有棵大樹，我哋2個人坐咗係大樹前面，order 咗嘢食之後，等咗一陣就上嘢食，我哋order 咗2 set All day breakfast, 因為諗住叫甜品，所以就無叫嘢飲~All day breakfast 同出面一般無咩分别，但係個多士同薯巢就比較特別，尤其係薯巢，用薯絲炸成，好好味因為All day breakfast 好飽，最後只係可以食多件cake, 最終叫咗件卷蛋。件角酪卷蛋嘅乳酪味好重，而且蛋糕好軟熟，正！下次真係要叫蕃薯山同布丁吐司呀！