日悅極尚日式放題 (已結業)

呢排突然鍾意咗食放題，好鍾意任食，又可以食到唔同種類野生食嘅感覺。以日式料理為主，亦都有好多唔同種類嘅野食。 刺身、壽司、卷物、燒物、天婦羅、串燒、料理一應俱全。一開始當然都係食刺身，鮮帶子、象拔蚌、虎蝦、希靈魚、三文魚、油甘魚等等，種類齊備食落都好新鮮。除咗有平時都食到嘅壽司，仲有唔同嘅卷物、火炙壽司同埋創意壽司。 卷物方面特別推薦芝士三文魚卷同牛油果軟殼蟹卷。海鮮冷盤係自助形式出去拎，有翡翠螺、青口、鮮蝦等等。 左上就係創意壽司，分別係香芒沙律船同三文魚籽花之戀。天婦羅方面，有平時食開嘅蟹棒天婦羅、蝦天婦羅同埋蕃薯天婦羅等等。 清酒煮蜆都值得一試講到放題最吸引部分，就一定係雪糕放題， 而且仲要唔係普通雪糕。 除咗啤酒，亦都有清酒同梅酒放題。食到中途突然間有片皮鴨可以攞。可能係即叫即炸嘅緣故，所以食到中途炸物先到。 除咗有芝麻雞翼同吉列炸蠔，脆皮貓山王嘅榴槤味十足，亦非常脆口。出面除咗有海鮮，仲有唔同小食同冷盤提供。亦有唔同糖水同埋湯可以選擇。