壽司郎 (翔盈里)

營業中

休息中

搵左日平日，揀左去黃大仙分店，除紅磡店外嘅另一間可以搣飛等位而又唔駛企喺度白等個幾兩粒鐘嘅分店。5:15pm攞飛，尚有梳化位坐等，等左約莫25分鐘有位，以呢間嘢嚟講已算係人道嘅等法。目測10張4人卡位，其餘迴轉位，同某日本分店，又係因為舖面有柱嘅關係，俾我𥄫到有張一人獨享不受騷擾枱。平均$20一碟，算交到貨，啲壽司🍣片魚生多數厚切大大件，比較推介海松食貝、海螺雙味，爽口鮮味冇白鳥貝咁硬，唔怕腥可以揀埋螢光魷魚🦑，幾爆汁；餐後必食oreo牛奶雪糕，極濃郁奶味唔同出面啲牛奶雪糕得雪味奶水味。